சமூக வலைதளங்களில் வைரலாகி வரும் ஒரு நெகிழ்ச்சியான வீடியோ, உழைப்பின் மேன்மையையும் நேர்மறையான சிந்தனையையும் பறைசாற்றுகிறது. பிளிங்கிட் நிறுவனத்தில் டெலிவரி பார்ட்னராகப் பணியில் சேர்ந்த மனிஷ் அஸ்வர் என்ற இளைஞர், தனது முதல் நாள் வேலை அனுபவத்தை ஒரு மினி விலாக் மூலம் பகிர்ந்துள்ளார். சுமார் ஒன்றரை மணி நேர உழைப்பிற்குப் பிறகு தனக்குக் கிடைத்த முதல் வருமானமான 65 ரூபாயை அவர் மிகுந்த பெருமிதத்துடன் கேமரா முன்னால் காட்டுகிறார்.
மேலும் தனது நண்பருடன் சைக்கிளில் சென்று ஆர்டர்களை விநியோகிக்கும் அவர், “எந்த வேலையும் சிறியது கிடையாது, உழைக்க வெட்கப்படக்கூடாது” என்ற உயரிய கருத்தை இன்முகத்துடன் வெளிப்படுத்துவது காண்போரை நெகிழச் செய்துள்ளது. இந்த வீடியோவின் சுவாரசியமான ஒரு பகுதியில், அவர் டெலிவரி செய்த முதல் சில ஆர்டர்களில் ஒன்று அவருடைய பக்கத்து வீட்டுக்காரருடையது என்பது தெரியவருகிறது.
View this post on Instagram
“>
இதனால் தான் இந்த வேலையில் சேர்ந்தது யாருக்கும் தெரியாது என்று நினைத்த மனிஷிற்கு, இது ஒரு சிறு அதிர்ச்சியாக இருந்தாலும், அதை அவர் சிரித்துக்கொண்டே சாதாரணமாகக் கடந்து செல்கிறார். வெறும் 65 ரூபாய் வருமானம் என்றாலும், அந்தச் சிறு தொகையில் அவர் காட்டும் உண்மையான மகிழ்ச்சியும், தன்னம்பிக்கையும் பலருக்கு ஊக்கமளிப்பதாக அமைந்துள்ளது. இன்ஸ்டாகிராமில் பகிரப்பட்ட இந்த வீடியோ, தற்போது ஆயிரக்கணக்கானோரின் லைக்குகளைப் பெற்று இணையத்தில் வைரலாகி வருகிறது.