Categories: க்ரைம் ஸ்டோரிலேட்டஸ்ட் நியூஸ்

காதல் விவகாரத்தில் கொடூரம்.. இளைஞரை மிரட்டி வரவழைத்து அறையில் பூட்டி வைத்து.. பெண்ணின் குடும்பத்தார் செய்த வெறிச்செயல்… பதறவைக்கும் பின்னணி…!

Spread the love

உத்தரகாண்ட் மாநிலம் தெஹ்ரி கர்வால் மாவட்டத்தில் உள்ள தேவல் கிராமத்தைச் சேர்ந்த 18 வயது தலித் இளைஞரான கேதன் லால், மாற்றுச் சமூகத்தைச் சேர்ந்த இளம்பெண் ஒருவருடன் நட்பு ரீதியாகப் பழகி வந்துள்ளார். இதற்கு அந்தப் பெண்ணின் குடும்பத்தினர் கடும் எதிர்ப்பு தெரிவித்துள்ளனர். கடந்த ஞாயிற்றுக்கிழமை இரவு, அந்தப் பெண்ணை மிரட்டி கேதனை போன் மூலம் தங்கள் கிராமத்திற்கு வரவழைத்துள்ளனர்.

அங்குச் சென்ற கேதன் மற்றும் அவரது நண்பர் திவாகர் திம்ரி ஆகிய இருவரையும் ஒரு அறைக்குள் பூட்டி, அப்பெண்ணின் குடும்பத்தினர் தடிகளால் கொடூரமாகத் தாக்கியுள்ளனர். மறுநாள் அதிகாலை கேதனின் தந்தைக்குத் தகவல் கொடுக்கப்பட்டனர். அவர் விரைந்து வந்து மகனை ஆரம்பச் சுகாதார நிலையத்திற்கு அழைத்துச் சென்றார். ஆனால், கேதன் சிகிச்சை பலனின்றி பரிதாபமாக உயிரிழந்தார். அவரது நண்பர் தீவிர சிகிச்சைப் பிரிவில் அனுமதிக்கப்பட்டுள்ளார்.

இக்கொடூரச் சம்பவத்தால் ஆத்திரமடைந்த உள்ளூர் மக்களும் உறவினர்களும் குற்றவாளிகளைக் கைது செய்யக் கோரி உடலை வாங்க மறுத்துப் போராட்டத்தில் ஈடுபட்டனர். இது தொடர்பாக போலீஸார் கொலைக் குற்றம் மற்றும் வன்கொடுமைத் தடுப்புச் சட்டத்தின் கீழ் வழக்குப் பதிவு செய்துள்ளனர். மேலும், இக்கொலையில் தொடர்புடைய யஷ்வீர் சிங் பன்வார் என்ற நபரை போலீஸார் காவலில் எடுத்து தீவிர விசாரணை நடத்தி வருகின்றனர்