நான்கு மாதங்களுக்கு முன்பு நாய் கடித்த சிறுவன் ஒருவன், தற்போது நாயைப் போல சத்தம் எழுப்பும் விசித்திரமான மற்றும் ஆபத்தான நிலைக்குத் தள்ளப்பட்டுள்ளான். மாற்றுத்திறனாளியான அவனது தந்தை, வறுமையின் காரணமாக மகனுக்குத் தேவையான தடுப்பூசிகளின் முழு அளவையும் (Dose) போட முடியாமல் போயுள்ளது. அப்போது தனியார் மருத்துவமனையில் வெறும் இரண்டு ஊசிகளை மட்டுமே செலுத்திய நிலையில், நாய் கடியின் விஷம் தற்போது சிறுவனின் உடலில் தீவிரமாகப் பரவியுள்ளது.
करण को चार महीने पहले कुत्ते ने काटा था। दिव्यांग पिता इंजेक्शन की पूरी डोज नहीं लगवा पाये थे। दो इंजेक्शन निजी अस्पताल में लगवाया था। कल अचानक से करण की तबीयत खराब हो गई और वह कुत्ते की तरह आवाज निकालने लगा। पिता उसे मंदिर लेकर गए। मंदिर में मौजूद लोगों ने बच्चे को तत्काल सीएचसी… pic.twitter.com/jKHCjw8Zsa
— Bhadohi Wallah (@Mithileshdhar) March 14, 2026
நேற்று திடீரென அந்தச் சிறுவனின் உடல்நிலை மோசமடைந்தது. அவன் தண்ணீரைப் பார்த்து பயந்ததோடு, நாயைப் போலவே சத்தம் எழுப்பத் தொடங்கியதைக் கண்டு அவனது தந்தை நிலைகுலைந்து போனார். செய்வதறியாது திகைத்த தந்தை, மகனை அருகில் இருந்த ஒரு கோயிலுக்கு அழைத்துச் சென்றார். அங்கு சிறுவனின் நிலையைக் கண்ட பொதுமக்கள், இது உயிருக்கே ஆபத்தான ‘ரேபிஸ்’ நோயின் அறிகுறி என்பதை உணர்ந்து, உடனடியாக அவனை ஆரம்ப சுகாதார நிலையத்திற்கு அனுப்பி வைத்தனர்.
தற்போது அந்தச் சிறுவன் மேல் சிகிச்சைக்காக மாவட்ட அரசு மருத்துவமனைக்கு மாற்றப்பட்டுள்ளான். முறையான தடுப்பூசி போடாததன் விளைவு, ஒரு பிஞ்சு உயிரைப் போராட்டத்திற்கு உள்ளாக்கியிருப்பது அப்பகுதி மக்களிடையே பெரும் சோகத்தை ஏற்படுத்தியுள்ளது. ரேபிஸ் நோய்க்கான அறிகுறிகள் தெரிந்த பிறகு சிகிச்சை அளிப்பது மிகவும் கடினம் என்பதால், மருத்துவர்கள் தீவிர கண்காணிப்பில் ஈடுபட்டு வருகின்றனர். இச்சம்பவம் வறுமையின் கோர முகத்தையும், முறையான மருத்துவ விழிப்புணர்வின் அவசியத்தையும் மீண்டும் ஒருமுறை உலகுக்கு உணர்த்தியுள்ளது.