பால் போன்ற உடலுக்குச் சொந்தக்காரர்… தமன்னா காலில் விழுவேன்… சர்ச்சைக்கு பாலிவுட் நடிகர் அன்னு கபூர் விளக்கம்..!!

பாலிவுட் நடிகர் அன்னு கபூர், நடிகை தமன்னாவின் உடல் தோற்றம் குறித்துப் பேசிய கருத்துகள் பெரும் சர்ச்சையை ஏற்படுத்தியுள்ளன. ‘Aaj Ki Raat’ பாடலில் தமன்னாவின் நடனத்தைப் பாராட்டிய அவர், தமன்னாவை ‘பால் போன்ற உடலுக்குச் சொந்தக்காரர்’ என்று வர்ணித்திருந்தார். பெண்ணின் உடல் நிறம் குறித்து அவர் பேசிய இந்த விதம் சமூக வலைதளங்களில் பலரது விமர்சனத்திற்கு உள்ளானது.

இந்த நிலையில், தனது கருத்துக்கு விளக்கம் அளித்துள்ள அன்னு கபூர், தமன்னா தனது பேச்சால் வருந்தினால் அவரின் காலில் விழுந்து மன்னிப்பு கேட்கத் தயாராக இருப்பதாகத் தெரிவித்துள்ளார். தன்னிடம் தவறான எண்ணங்கள் ஏதும் இல்லை என்றும், அதே கருத்தை தான் ஆங்கிலத்தில் கூறியிருந்தால் இவ்வளவு பெரிய பிரச்சனை வந்திருக்காது என்றும் அவர் குறிப்பிட்டுள்ளார். இருப்பினும், ஒரு மூத்த நடிகர் பெண்ணின் உடல் குறித்து இத்தகைய வார்த்தைகளைப் பயன்படுத்தியது தவறு எனப் பலரும் கருத்து தெரிவித்து வருகின்றனர்.