சர்க்கரை நோய், புற்றுநோய் மற்றும் மகப்பேறு கால பாதிப்புகள் உள்ளிட்ட 200-க்கும் மேற்பட்ட ஆரோக்கிய நன்மைகள் ‘பழைய சோறு’ தண்ணீரில் இருப்பதை சென்னை ஸ்டான்லி அரசு மருத்துவமனையின் சமீபத்திய ஆய்வு உறுதி செய்துள்ளது. இந்த ஆய்வின் மூலம், பாரம்பரிய உணவான பழைய சோறு இதயம், சிறுநீரகம் மற்றும் கல்லீரல் போன்ற முக்கிய உறுப்புகளின் நலனைப் பாதுகாப்பதில் முக்கியப் பங்கு வகிப்பது கண்டறியப்பட்டுள்ளது.
ஸ்டான்லி மருத்துவமனையில் மொத்தம் 55 நோயாளிகளுக்குத் தொடர்ந்து பழைய சோறு நீர் வழங்கப்பட்டு விரிவான மருத்துவ ஆய்வு மேற்கொள்ளப்பட்டது. இதன் முடிவில், அவர்களுக்கு வயிறு சார்ந்த உபாதைகள் மற்றும் செரிமானக் கோளாறுகள் கணிசமாகக் குறைந்துள்ளதும், ஒட்டுமொத்த உடல்நிலையில் நல்ல முன்னேற்றம் ஏற்பட்டுள்ளதும் ஆய்வில் நிரூபிக்கப்பட்டுள்ளது.