அடக்கடவுளே… சட்டத்தை கையில் எடுத்த கொடூரம்… தந்தையும் மகனும் நிர்வாணமாக வீதியில் ஊர்வலம்… கொல்கத்தாவை நடுங்கவைக்கும் அதிர்ச்சி சம்பவம்…!

கொல்கத்தாவின் புறநகர்ப் பகுதியான வடக்கு 24 பர்கானாஸ் மாவட்டத்தில், 14 வயது சிறுமியுடன் தகாத உறவு வைத்திருந்ததாகக் கூறி, 26 வயது வாலிபர் ஒருவரையும் அவரது தந்தையையும் உள்ளூர் மக்கள் அடித்துத் துன்புறுத்தியுள்ளனர். மேலும், இருவரையும் வீதியில் நிர்வாணமாக ஊர்வலமாக அழைத்துச் சென்று தங்களது ஆத்திரத்தைத் தீர்த்துக் கொண்டனர்.

இந்தச் சம்பவத்தின் காணொளி சமூக வலைதளங்களில் வேகமாகப் பரவி பெரும் அதிர்ச்சியை ஏற்படுத்தியது. தகவல் அறிந்து விரைந்து வந்த காவல் துறையினர், இருவரையும் மீட்டு மருத்துவமனையில் அனுமதித்தனர். சட்டத்தைக் கையில் எடுத்துக்கொண்டு இவ்வாறு கொடூரமான தாக்குதலில் ஈடுபட்டவர்கள் மீது கடுமையான நடவடிக்கை எடுக்கப்படும் என காவல் துறை தரப்பில் தெரிவிக்கப்பட்டுள்ளது.

இதனிடையே, சிறுமியை ஏமாற்றி உறவு வைத்ததாகக் கூறப்படும் அந்த வாலிபர் மீது ‘போக்சோ’ சட்டத்தின் கீழ் வழக்குப் பதிவு செய்யப்பட்டுள்ளது. அதேவேளையில், பொதுவெளியில் இருவரை நிர்வாணப்படுத்தி வன்முறையில் ஈடுபட்ட நபர்களைக் கண்டறிந்து கைது செய்யக் காவல் துறையினர் தீவிர விசாரணை மேற்கொண்டு வருகின்றனர்.