அன்பில் மகேஸைத் தொடர்ந்து கே.என்.நேரு?… லஞ்ச ஒழிப்புத்துறையின் அடுத்த அதிரடி வேட்டை…. திமுகவிற்கு அடுத்தடுத்த அதிர்ச்சி…!

நகராட்சி நிர்வாகத்துறையில் ரூ.634 கோடி லஞ்சம் பெற்றதாக எழுந்த புகாரில், முன்னாள் அமைச்சர் கே.என்.நேரு மீது லஞ்ச ஒழிப்புத்துறை வழக்குப்பதிவு செய்து நடவடிக்கை எடுக்க எவ்விதத் தடையும் இல்லை எனச் சென்னை உயர்நீதிமன்றம் அண்மையில் உத்தரவிட்டுள்ளது. நீதிமன்றத்தின் இந்த அதிரடித் தீர்ப்பைத் தொடர்ந்து, லஞ்ச ஒழிப்புத்துறை அதிகாரிகள் கே.என்.நேரு மீதான முதற்கட்ட விசாரணைகளையும், அடுத்தகட்ட சட்டப் நடவடிக்கைகளையும் தீவிரப்படுத்தியுள்ளனர். ஏற்கனவே முன்னாள் பள்ளி கல்வித்துறை அமைச்சர் அன்பில் மகேஸ் பொய்யாமொழி லஞ்ச வழக்கில் சட்ட ரீதியான நெருக்கடிகளைச் சந்தித்து வரும் சூழலில், தற்போது கே.என்.நேருவும் இந்த வழக்கில் தீவிர விசாரணைக்கு உட்படுத்தப்பட்டுள்ளார்.

லஞ்ச ஒழிப்புத்துறையின் இந்த அதிரடி நகர்வால், அன்பில் மகேஸைத் தொடர்ந்து கே.என்.நேருவும் கைது செய்யப்படக் கூடிய வாய்ப்புகள் அதிகம் இருப்பதாக அரசியல் மற்றும் துறை சார்ந்த வட்டாரங்களில் பரவலாகத் தகவல்கள் கசிந்து வருகின்றன. முக்கிய அமைச்சர்கள் அடுத்தடுத்து லஞ்ச ஒழிப்புத் துறையின் பிடியில் சிக்கி வருவது தமிழக அரசியலில் பெரும் பரபரப்பையும் அதிர்வலைகளையும் ஏற்படுத்தியுள்ளது. இந்த விவகாரத்தில் லஞ்ச ஒழிப்புத் துறை எடுக்கும் அடுத்தகட்ட முடிவுகள் மற்றும் நீதிமன்ற நடவடிக்கைகள் பெரும் எதிர்பார்ப்பை உருவாக்கியுள்ளன.