ஷாக்கிங் அப்டேட்..! ஆவின் அதிரடி… இப்படி ஒரு முடிவா?… நெய் லிட்டருக்கு இவ்ளோ ஏறிடுச்சா?… தலைசுற்ற வைக்கும் ஆவின் விலை உயர்வு…!!

தமிழகத்தில் தீபாவளி பண்டிகை நெருங்கி வரும் சூழலில், அரசுக்குச் சொந்தமான ஆவின் நிறுவனம் தனது பால் சார்ந்த உபபொருட்களின் விலையை உயர்த்த முடிவு செய்துள்ளது. மூலப்பொருட்களின் விலை அதிகரிப்பு மற்றும் தயாரிப்புச் செலவுகள் உயர்ந்ததே இந்த முடிவுக்கு முக்கியக் காரணமாகக் கூறப்படுகிறது. ஆவின் விற்பனை செய்யும் 230-க்கும் மேற்பட்ட தயாரிப்புகளில், பொதுமக்கள் அன்றாடம் அதிகம் பயன்படுத்தும் 63 பொருட்களின் விலை மாற்றியமைக்கப்பட்டு அமலுக்கு வருகிறது.

இந்த விலை உயர்வின்படி, நெய் மற்றும் வெண்ணெய் உள்ளிட்ட அத்தியாவசியப் பொருட்களின் விலையில் கணிசமான மாற்றம் ஏற்பட்டுள்ளது. ஒரு லிட்டர் நெய் விலை ரூ.80 உயர்ந்து ரூ.770 ஆகவும், அரை கிலோ வெண்ணெய் ரூ.45 உயர்ந்து ரூ.320 ஆகவும் நிர்ணயிக்கப்பட்டுள்ளது. மேலும் பால்கோவா, குலாப் ஜாமூன், ரசகுல்லா மற்றும் மைசூர்பாகு போன்ற இனிப்பு வகைகளும் பாக்கெட்டுக்கு ரூ.10 முதல் ரூ.20 வரை அதிகரிக்கப்பட்டுள்ளன.

இவற்றுடன் தயிர், மோர், லஸ்ஸி மற்றும் பல்வேறு மில்க் ஷேக் வகைகளின் விலைகளும் ரூ.2 முதல் ரூ.10 வரை உயர்த்தப்பட்டுள்ளன. பண்டிகைக் காலத்தில் பலகாரங்கள் மற்றும் உணவுத் தயாரிப்புக்குத் தேவையான பொருட்களைக் குறைந்த விலையில் வாங்கி வந்த ஏழை மற்றும் நடுத்தரக் குடும்பத்தினருக்கு, ஆவின் நிறுவனத்தின் இந்த திடீர் விலை மாற்றம் கூடுதல் நிதிச் சுமையையும் அதிருப்தியையும் ஏற்படுத்தியுள்ளது.