அடச்சீ… நீயெல்லாம் என்ன ஜென்மம்… விளையாட வந்த சிறுமிக்கு நேர்ந்த கொடூரம்… டெலிவரி டிரைவரின் வெறிச்செயல்… கொந்தளிப்பில் மக்கள்… நெஞ்சை பதறவைக்கும் CCTV காட்சி…!

இந்தச் சம்பவம் இந்தோனேசியாவில் பெரும் கொந்தளிப்பையும் பொதுமக்களிடையே கடும் அதிர்ச்சியையும் ஏற்படுத்தியுள்ளது. வெள்ளிக்கிழமை தொழுகை நேரத்தைப் பயன்படுத்தி, டெலிவரி டிரைவர் போல ஆடை அணிந்து வந்த நபர் ஒருவர், ஒரு குறிப்பிட்ட முகவரியைத் தேடுவது போல் நடித்து விபரீதமான திட்டத்தைத் தீட்டியுள்ளார். வெளியே விளையாடிக் கொண்டிருந்த சிறுமியை அணுகி முகவரி கேட்பது போல் ஏமாற்றி, அவளை ஒரு மறைவான மூலைக்கு அழைத்துச் சென்றுள்ளார். சிறுமி போராடி, கத்தி கூச்சலிட்டு அதிர்ஷ்டவசமாக அவனிடமிருந்து தப்பித்து வீட்டிற்கு ஓடி வந்துள்ளாள்.

வீட்டிற்கு வந்த சிறுமி அழுதுகொண்டே கதறியதைக் கண்டு அதிர்ச்சியடைந்த குடும்பத்தினர், உடனடியாக சிசிடிவி கேமரா பதிவுகளை ஆய்வு செய்தனர். அதில் அந்த நபரின் அதிர்ச்சி அளிக்கும் அத்துமீறல் வெளிச்சத்திற்கு வந்தது. உடனே காவல்துறையினருக்குத் தகவல் தெரிவிக்கப்பட்டு, சம்பவ இடத்திற்கு வந்த அதிகாரிகள் விசாரணையைத் தொடங்கினர். உள்ளூர்வாசிகளின் உதவியுடன் அந்த நபரின் அடையாளத்தைக் கண்டறியும் தீவிரத் தேடுதல் வேட்டை தற்போது வரை தொடர்ந்து நடைபெற்று வருகிறது.

https://twitter.com/diol2n/status/2098643845458092366/video/1

இந்தச் சம்பவத்தில் அண்டை வீட்டாரையும் அப்பகுதி மக்களையும் அதிகம் கோபமடையச் செய்தது மற்றொரு உருக்கமான விஷயமாகும். அந்தச் சிறுமி அண்மையில்தான் தீவிர நோயிலிருந்து குணமடைந்து, நீண்ட நாட்களுக்குப் பிறகு வெளியே வந்து விளையாடத் தொடங்கியிருந்தாள். ஆனால், இந்த கொடூர சம்பவத்திற்குப் பிறகு, அவள் கடுமையான பயத்திற்கும் மன உளைச்சலுக்கும் ஆளாகி மீண்டும் வீட்டிற்குள்ளேயே முடங்கும் நிலை ஏற்பட்டுள்ளது.