அமெரிக்க ஃபெடரல் ரிசர்வ் வங்கியின் வட்டி விகிதக் கொள்கை குறித்த அறிவிப்பு இன்று வெளியாக உள்ள நிலையில், உலகெங்கிலும் உள்ள முதலீட்டாளர்கள் மற்றும் தங்கம் வாங்குவோர் மத்தியில் பெரும் எதிர்பார்ப்பு எழுந்துள்ளது. அமெரிக்காவில் நிலவும் பணவீக்கத்தைக் கட்டுப்படுத்த வட்டி விகிதங்கள் உயர்த்தப்படுமா அல்லது தற்போதைய நிலையே நீடிக்குமா என்பதைப் பொறுத்தே சர்வதேசச் சந்தையில் தங்கத்தின் விலை தீர்மானிக்கப்படும்.
மேலும் வட்டி விகிதங்கள் உயர்த்தப்பட்டால் பொதுவாக டாலரின் மதிப்பு உயர்ந்து தங்கத்தின் விலை குறைய வாய்ப்புள்ளது மாறாக, வட்டி விகிதங்கள் குறைக்கப்படுபட்டாலோ அல்லது மாற்றமின்றி தொடர்ந்தாலோ தங்கத்தின் மீதான முதலீடு அதிகரித்து அதன் விலை புதிய உச்சத்தை எட்டக்கூடும். இந்தச் சர்வதேசப் பொருளாதார மாற்றங்கள் இந்தியச் சந்தையிலும், குறிப்பாகத் தமிழகத்திலும் தங்க விலையில் நேரடித் தாக்கத்தை ஏற்படுத்தும்.
இதனால் வட்டி விகிதம் தொடர்பான அமெரிக்க மத்திய வங்கியின் முடிவுகள் சாதகமாக அமையவில்லை எனில், பாதுகாப்பான முதலீடாகக் கருதப்படும் தங்கத்தின் தேவை அதிகரித்து, அதன் விலை கணிசமாக உயரக்கூடும். இதனால் நகைப்பிரியர்கள் மற்றும் முதலீட்டாளர்கள் இன்றைய ஃபெடரல் ரிசர்வ் கூட்டத்தின் முடிவுகளை உன்னிப்பாக கவனித்து வருகின்றனர். சர்வதேசச் சந்தையின் ஏற்ற இறக்கங்களுக்கு ஏற்ப, வரும் நாட்களில் ஆபரணத் தங்கத்தின் விலையில் அதிரடி மாற்றங்கள் இருக்கும் என்று எதிர்பார்க்கப்படுகிறது.