“ரிப்பேருக்கு கொடுத்த செல்போன்”… சிக்கிய அதிர்ச்சி தரும் வீடியோக்கள்… கொத்தாக தூக்கிய போலீசார்… வாலிபருக்கு 22 ஆண்டுகள் சிறை தண்டனை…!

லண்டனை சேர்ந்த விருஜ் படேல் என்ற நபர் இந்திய வம்சாவளியை சேர்ந்தவர். இவருடைய மொபைல் போனை பழுது பார்த்தபோது அவருடைய பயங்கரமான பாலியல் குற்றங்கள் வெளிச்சத்திற்கு வந்தது. லண்டனை சேர்ந்த இவர் 13 வயதிற்கு உட்பட்ட சிறுமியை பாலியல் வன்கொடுமை செய்தது உட்பட பல பெண்களை பாலியல் ரீதியாக தாக்கியுள்ளார். அவருடைய சகோதரர் கிஷன் படேல், குழந்தைகள் ஆபாச படங்களை வைத்திருந்தார். அவருடைய சாதனத்தை பழுது பார்க்கும் பணியின் போது குழந்தைகள் பாலியல் துஷ்பிரயோகம் தொடர்பான வீடியோக்கள் கண்டறியப்பட்டது. அதில் விருச் படேலின் முகம் தெளிவாக தெரிந்ததை தொடர்ந்து போலீசுக்கு தகவல் தெரிவிக்கப்பட்டது.

உடனே இதில் தொடர்புடைய இருவரையும் போலீசார் கைது செய்தனர். மேலும் சோதனையில் இளம் பெண்ணை வன்புணர்வு செய்யும் காட்சிகள் மற்றும் சிறுமியை ரகசியமாக படம் பிடித்த வீடியோக்கள் கிடைத்தது. இதனைத் தொடர்ந்து ஆபாச படங்களை வைத்திருந்த குற்றத்திற்காக கிஷன் படேலுக்கு 15 மாதங்கள் சிறை தண்டனையும் இந்த குற்றச்செயலில் ஈடுபட்ட விருஜ் படேலுக்கு 22 ஆண்டுகள் சிறை தண்டனையும் விதிக்கப்பட்டுள்ளது. மேலும் பாதிக்கப்பட்டவர்கள் யாராவது இருந்தால் முன் வருமாறு காவல்துறையினர் வேண்டுகோள் விடுத்துள்ளனர்.