“என்ன, சோழ முத்தா போச்சா”…. ஆன்லைனில் ரூ.1.86 லட்சத்திற்கு செல்போன் ஆர்டர் செய்த ஐடி ஊழியர்… பார்சலை திறந்ததும் காத்திருந்த அதிர்ச்சி…!

கர்நாடக மாநிலம் பெங்களூரின் பகுதியை சேர்ந்த பிரேமானந்த் என்பவர் பெங்களூரில் உள்ள ஐடி நிறுவனத்தில் பணியாற்றி வருகின்றார். இதனிடையே கடந்த 14 ஆம் தேதி ஆன்லைன் வர்த்தக நிறுவனம் மூலமாக 1.86 லட்சத்திற்கு செல்போன் ஒன்றை அவர் ஆர்டர் செய்துள்ளார். தன்னுடைய கிரெடிட் கார்டு மூலமாக அவர் ஆர்டர் செய்தார். இந்நிலையில் அவர் ஆர்டர் செய்த செல்போன் பார்சல் கடந்த 19ஆம் தேதி மாலை அவருடைய வீட்டுக்கு வந்துள்ளது. அவரிடம் டெலிவரி ஊழியர் பார்சலை ஒப்படைத்துள்ளார்.

இதனைத் தொடர்ந்து வீட்டிற்கு வந்த பிரேமானந்த் பார்சலை திறந்து பார்த்தபோது அதிர்ச்சி காத்திருந்தது. அதாவது அதில் செல்போனுக்கு பதிலாக வீட்டின் கட்டுமானத்திற்கு பயன்படுத்தும் டைல்ஸ் கல் ஒன்று இருந்துள்ளது. இதனால் அதிர்ச்சி அடைந்த அவர் உடனடியாக இது பற்றி தேசிய சைபர் குற்றப்பிரிவில் புகார் அளித்தார். அதேசமயம் போலீசிலும் அவர் புகார் அளித்த நிலையில் தற்போது போலீசார் வழக்கு பதிவு செய்து விசாரணை நடத்தி வருகிறார்கள்.