பக்திக்கு எல்லை இல்லை.. ஓடும் இரயிலையே பூஜை அறையாக மாற்றிய பெண்..! இணையத்தில் வைரலாகும் வீடியோ…!!

நகரும் இரயிலில் பயணித்த பெண் ஒருவர், பாரம்பரிய ‘வட் சாவித்திரி’ பூஜையை இரயிலின் உள்ளேயே செய்த வீடியோ இணையத்தில் வைரலாகி சமூக ஊடகப் பயனர்களை ஆச்சரியத்தில் ஆழ்த்தியுள்ளது. பொதுவாக திருமணமான பெண்கள் தங்கள் கணவனின் நீண்ட ஆயுளுக்காகவும், மகிழ்ச்சியான திருமண வாழ்க்கைக்காகவும் ஆலமரத்தை வழிபட்டு, அதனைச் சுற்றி நூல் கட்டி இந்த விரதத்தை மேற்கொள்வது வழக்கம்.

இந்த வைரல் வீடியோவில், இரயிலில் பயணம் செய்து கொண்டிருந்த ஒரு பெண், விரத நாளான அன்று ஆலமரம் இல்லாததால் ஒரு சமயோசித வழியைக் கையாண்டுள்ளார். அவர் ஒரு சிறிய ஆலமரக் கிளையைத் தன்னுடன் எடுத்து வந்து, இரயில் பெட்டியின் உள்ளே ஒரு வெற்றுப் பிளாஸ்டிக் பாட்டிலில் அதனை நட்டு வைத்துள்ளார். சிவப்பு நிறப் புடவை மற்றும் பாரம்பரிய நகைகளுடன் முழுமையாக அலங்கரித்துக் கொண்ட அந்தப் பெண், இரயிலின் ஏசி (3AC) கோச்சில் உள்ள சீட்டையே பூஜை செய்யும் இடமாக மாற்றியுள்ளார்.

https://www.instagram.com/reel/DYWYSvBxmUz/?utm_source=ig_web_copy_link

அந்தப் பெண் பாட்டிலில் இருந்த ஆலமரக் கிளைக்கு நூல் கட்டி, பழங்கள் மற்றும் இதர பூஜை பொருட்களை வைத்து முழு அர்ப்பணிப்புடன் வழிபாட்டை நடத்தியுள்ளார். மேலும், இரயிலின் கீழ் இருக்கையைச் சுற்றி வந்து தனது பிரகாரப் பிரதட்சணத்தையும் (வலம் வருதல்) நிறைவு செய்தார். இந்த வீடியோ சமூக வலைத்தளங்களில் வைரலானதைத் தொடர்ந்து, பலரும் அந்தப் பெண்ணின் அசைக்க முடியாத பக்தி மற்றும் சமயோசித புத்தியைப் பாராட்டி வருகின்றனர், அதே வேளையில் சிலர் பொது இடத்தில் இது போன்ற வழிபாடுகளைத் தவிர்த்திருக்கலாம் என்றும் கருத்து தெரிவித்துள்ளனர்.