இந்தியாவில் தினந்தோறும் லட்சக்கணக்கான மக்கள் ரயிலில் பயணிக்கின்றனர். மற்ற போக்குவரத்துடன் ஒப்பிடும்போது ரயிலில் மிகக் குறைந்த கட்டணத்தில் சௌகரியமாக பயணிக்க முடியும் என்பதால் பெரும்பாலானோர் ரயில் பயணத்தை விரும்புகிறார்கள். இதனால் ரயில் பயணிகளின் வசதிக்கு ஏற்றவாறு இந்திய ரயில்வே அவ்வப்போது சிறப்பு சலுகைகளையும் புதிய அறிவிப்புகளையும் வெளியிட்டு வருகிறது.
இப்படியான நிலையில் தட்கல் முன்பதிவு டிக்கெட் பொதுமக்களுக்கு கிடைக்கும் வகையில் ரயில்வேத்துறை சில அதிரடி நடவடிக்கைகளை மேற்கொண்டு வருகிறது. அந்த வகையில் ஐஆர்சிடிசி செயலியில் ஆதார் வெரிஃபிகேஷன் முடித்தவர்கள் மட்டுமே இனி தட்கல் முன்பதிவு செய்ய முடியும். இந்நிலையில் வெரிஃபிகேஷன் பட்டியலில் டிரைவிங் லைசன்ஸ், வாக்காளர் அடையாள அட்டையும் சேர்க்க பரிசீலிக்கப்படுகிறது. உடனே டிஜி லாக்கர் இல் அந்த ஆவணங்களை அப்லோடு செய்து விடுவது நல்லது.