தமிழகத்தில் ஆண்டுதோறும் குறிப்பிட்ட 8 முக்கிய தினங்களில் டாஸ்மாக் மதுபானக் கடைகளுக்கு விடுமுறை அளிக்கப்படுவது வழக்கம். அந்த வரிசையில், வருகிற மார்ச் 31-ஆம் தேதி மஹாவீர் ஜெயந்தி கொண்டாடப்படுவதை முன்னிட்டு, அன்றைய தினம் தமிழகம் முழுவதும் உள்ள அனைத்து டாஸ்மாக் கடைகளையும் மூட தமிழக அரசு அதிரடி உத்தரவு பிறப்பித்துள்ளது. இதனால் வருகிற செவ்வாய்க்கிழமை மதுபானக் கடைகள் மட்டுமின்றி, அவற்றுடன் இணைந்த பார்களும் (Bars) முழுமையாகச் செயல்படாது.
அரசின் இந்த உத்தரவை மீறி ரகசியமாகவோ அல்லது சட்டவிரோதமாகவோ கடைகளைத் திறந்து வைத்து மது விற்பனையில் ஈடுபட்டால், சம்பந்தப்பட்டவர்கள் மீது கடும் சட்ட நடவடிக்கை எடுக்கப்படும் எனத் தமிழக அரசு எச்சரிக்கை விடுத்துள்ளது. இதைக் கண்காணிப்பதற்காக அந்தந்த மாவட்ட ஆட்சியர்கள் மற்றும் காவல் துறையினர் தீவிர ரோந்துப் பணிகளில் ஈடுபடவும் அறிவுறுத்தப்பட்டுள்ளது. மதுப் பிரியர்கள் மற்றும் விற்பனையாளர்கள் இந்த விடுமுறை அறிவிப்பை முன்கூட்டியே கவனத்தில் கொள்ளுமாறு கேட்டுக்கொள்ளப்படுகிறார்கள்.