தமிழகத்தில் உள்ள சத்துணவு மையங்களின் எண்ணிக்கையை குறைக்கும் நடவடிக்கையில் தமிழக அரசு இறங்கியுள்ளதாக சமீபத்தில் ஒரு செய்தி வெளியாகி இருந்தது. தமிழக முழுவதும் ஏராளமான சத்துணவு மையங்கள் செயல்பட்டு வரும் நிலையில் ஏழை எளிய மக்களின் பிள்ளைகள் அனைவரும் இங்கு தான் பயின்று வருகின்றனர். இதனால் பலரும் பயனடைந்து வரும் நிலையில் தற்போது அனைவருக்கும் அதிர்ச்சி தரும் விதமாக சமீபத்தில் ஒரு செய்தி வெளியாகி இருந்தது. அதாவது 25 குழந்தைகளுக்கும் குறைவாக உள்ள சத்துணவு மையங்களை மூட தமிழக அரசு உத்தரவிட்டதாக ஒரு தகவல் இணையத்தில் பரவியது.
ஆனால் இது பொய்யான தகவல் என்று தமிழக அரசின் தகவல் சரிபார்ப்பகம் கூறியுள்ளது. ஏற்கனவே 2018, 2022 ஆம் ஆண்டில் இது போன்ற பொய்யான செய்தி வெளியாகிய அதற்கு சமூக நலத்துறை தரப்பில் மறுப்பு தெரிவிக்கப்பட்டு இருந்தது. இதுபோன்று பரவும் வதந்திகளை மக்கள் யாரும் நம்ப வேண்டாம் என்று TN Fact Check விளக்கம் அளித்துள்ளது.