தமிழரசன் பச்சமுத்து இயக்கத்தில் லப்பர் பந்து திரைப்படம் ரிலீஸ் ஆனது. இந்த திரைப்படத்தில் அட்டகத்தி தினேஷ், ஹரிஷ் கல்யாண், ஸ்வாதிக்கா, சஞ்சனா கிருஷ்ணமூர்த்தி, காளி வெங்கட், தேவதர்ஷினி உள்ளிட்டார் முக்கிய கதாபாத்திரத்தில் நடித்துள்ளனர். லப்பர் பந்து திரைப்படம் விமர்சன ரீதியாகவும் வசூல் ரீதியாகவும் மக்களிடையே நல்ல வரவேற்பு பெற்றுள்ளது.
இந்த ஆண்டு வெளியான சிறந்த படங்களில் ஒன்று என பெயர் வாங்கியுள்ளது. இந்த நிலையில் லப்பர் பந்து படத்தை தயாரித்த பிரின்ஸ் பிக்சர்ஸ் நிறுவன தயாரிப்பாளர் தனது அடுத்த படத்தையும் நீங்கள் தான் இயக்க வேண்டும் என தமிழரசனிடம் கூறியுள்ளார். ஆனால் தமிழரசன் அந்த வாய்ப்பை மறுத்துவிட்டாராம். அதற்கு காரணம் படத்தின் ஷூட்டிங் நடைபெற்றுக் கொண்டிருந்தபோது தயாரிப்பாளர் தரப்பிலிருந்து அதிக பிரச்சனைகள் வந்ததாக கூறப்பட்டது.
இந்த நிலையில் தமிழரசன் பச்சமுத்து டான் பிக்சர்ஸ் நிறுவனத்துடன் இணைந்து அடுத்த படத்தை இயக்க உள்ளார். அந்த படத்தில் நடிக்க பிரபல நடிகரான தனுஷ் மற்றும் துருவ் விக்ரம் ஆகியோருடன் பேச்சுவார்த்தை நடந்து கொண்டிருப்பதாக கூறப்படுகிறது. இது குறித்த கூடுதல் தகவல்கள் விரைவில் வெளியாகும் என எதிர்பார்க்கப்படுகிறது.
