திருநெல்வேலி மாவட்டத்தில் குழந்தைகள் நலன் மற்றும் சிறப்புச் சேவைகள் துறையின் கீழ் செயல்படும் மாவட்ட குழந்தைகள் பாதுகாப்பு அலகில், ‘குழந்தை உதவி மையம் 1098’-ல் ஆலோசகர் மற்றும் வழக்குப்பணியாளர் பணியிடங்களை ஒப்பந்த அடிப்படையில் நிரப்புவதற்கான அறிவிப்பு வெளியாகியுள்ளது. +2 மற்றும் பட்டம்/முதுகலை டிப்ளமோ முடித்த 42 வயதுக்கு உட்பட்ட நபர்கள் இந்தப் பணிகளுக்கு விண்ணப்பிக்கலாம். ஆலோசகர் பணிக்கு மாதம் ரூ.23,000 சம்பளமும், வழக்குப்பணியாளர் பணிக்கு மாதம் ரூ.18,000 சம்பளமும் நிர்ணயிக்கப்பட்டுள்ளது.
தகுதியுடைய விண்ணப்பதாரர்கள் www.tirunelveli.nic.in என்ற அதிகாரப்பூர்வ இணையதளத்தில் விண்ணப்பப் படிவத்தைப் பதிவிறக்கம் செய்து பூர்த்தி செய்து, அக்டோபர் 23, 2026-க்குள் “மாவட்ட குழந்தைகள் பாதுகாப்பு அலுவலர், மாவட்ட குழந்தைகள் பாதுகாப்பு அலகு, மாவட்ட ஆட்சியரகம், கொக்கிரக்குளம், திருநெல்வேலி” என்ற முகவரிக்கு அனுப்பி வைக்குமாறு கேட்டுக் கொள்ளப்பட்டுள்ளனர். வேலைதேடும் இளைஞர்களிடையே இச்செய்தி பெரும் வரவேற்பைப் பெற்று சமூக வலைதளங்களில் வைரலாகி வருகிறது.