ஏசி பில்லால் ஷாக் அடிக்கிறதா…? தமிழக மின்சார வாரியத்தின் அதிரடி டிப்ஸ்…. இதை செஞ்சா கரண்ட் பில் குறையும்…!!

கோடை வெயில் அதிகரித்து வரும் நிலையில், ஏசி பயன்படுத்தினாலும் மின் கட்டணத்தைக் குறைக்கத் தமிழக மின்சார வாரியம் சில முக்கிய ஆலோசனைகளை வழங்கியுள்ளது. அறையின் பரப்பளவிற்கு ஏற்றவாறு சரியான ‘டன்’ அளவில் ஏசியைத் தேர்வு செய்வது அவசியம்; உதாரணமாக, 100 சதுர அடி அறைக்கு 0.8 டன், 150 சதுர அடி வரை 1.0 டன் மற்றும் 250 சதுர அடிக்கு மேல் 2.0 டன் ஏசி பயன்படுத்துவது மின்சாரத்தை மிச்சப்படுத்தும். முறையான அளவிலான ஏசியைப் பொருத்துவதன் மூலம் தேவையற்ற மின் செலவைத் தவிர்த்து, அறைக்குத் தேவையான குளிர்ச்சியையும் துல்லியமாகப் பெற முடியும்.

மேலும், ஏசியின் வெப்பநிலையை (Temperature) 24 முதல் 26 டிகிரி செல்சியஸில் வைப்பதே உடல்நலனுக்கும், மின் சேமிப்பிற்கும் உகந்தது என மின்சார வாரியம் அறிவுறுத்தியுள்ளது. ஏசியில் ஒவ்வொரு ஒரு டிகிரி வெப்பநிலையைக் குறைக்கும்போதும் மின்சாரப் பயன்பாடு 6 சதவீதம் வரை அதிகரிக்கும் என்பதால், 18 டிகிரியில் வைப்பதைத் தவிர்ப்பது நல்லது. இந்த எளிய நடைமுறைகளைப் பின்பற்றுவதன் மூலம், கோடை காலத்தில் ஏசியை நாள் முழுவதும் பயன்படுத்தினாலும் மின் கட்டணம் தாறுமாறாக உயர்வதைக் கட்டுப்படுத்தலாம்.