ஒரே ரயில், ஒரே சிஸ்டம்… இந்திய ரயில்களில் இப்படி ஒரு அதிசயமா?… ரயிலுக்குள் நுழைந்ததும் அதிர்ந்து போன பயணி… இணையத்தைக் கலக்கும் ரயில் ஒழுக்கம்… வைரலாகும் வீடியோ…!

சமீபத்தில் தொடங்கப்பட்ட கொல்கத்தா-சாய்ராங் ரயில் பயணத்தின் போது எடுக்கப்பட்ட ஒரு வீடியோ சமூக வலைதளங்களில் வைரலாகி அனைவரது கவனத்தையும் ஈர்த்துள்ளது. இந்திய ரயில்களில் குப்பைகள் நிறைந்து கிடப்பதாகத் தொடர்ந்து புகார்கள் எழும் நிலையில், இந்த வீடியோ ஒரு சிறப்பான மாற்றத்தைக் காட்டியுள்ளது. கடந்த ஆண்டு செப்டம்பர் மாதம் மேற்கு வங்கத்தையும் மிசோரமையும் இணைக்கும் விதமாகத் தொடங்கப்பட்ட இந்த ரயிலின் படுக்கை வசதி கொண்ட பெட்டி பயணம் முழுவதும் மிகவும் தூய்மையாகப் பராமரிக்கப்பட்டது. இதற்கு கூடுதல் துப்புரவுப் பணியாளர்கள் காரணம் அல்ல, மாறாகப் பயணிகளின் சுய ஒழுக்கமே முக்கியக் காரணமாகும். மிசோரம் மாநிலத்தைச் சேர்ந்த பெரும்பாலான பயணிகள், தங்களின் குப்பைகளை (உணவுப் பொட்டலங்கள், பிளாஸ்டிக் பாட்டில்கள்) ரயிலின் தரையிலோ அல்லது இருக்கைகளின் அடியிலோ வீசாமல், தாங்கள் கொண்டு வந்த சிறிய பிளாஸ்டிக் பைகளில் பொறுப்பாகச் சேகரித்து வைத்திருந்தனர். மேலும், அவர்கள் தங்களுக்கு ஒதுக்கப்பட்ட இருக்கைகளில் அமைதியாகவும் கண்ணியத்துடனும் பயணித்தது அனைவரையும் வெகுவாகக் கவர்ந்தது.

இந்த வீடியோ ‘எக்ஸ்’ தளத்தில் வெளியானதைத் ஒழுக்கத்தையும் நெகிழ்ந்து பாராட்டி வருகின்றனர். “ஒரே ரயில், ஒரே அமைப்பு; ஆனால் மக்கள் மட்டுமே வித்தியாசம்” என ஒரு பயனர் கருத்துத் தெரிவித்துள்ளார். மேலும், மிசோரம் தலைநகர் ஐஸ்வாலின் போக்குவரத்து ஒழுங்கும் இந்தியாவின் பிற முக்கிய நகரங்களை விடச் சிறந்தது எனச் சிலர் சுட்டிக்காட்டினர். மிசோரம் மக்கள் பொது இடங்களைத் தங்கள் சொந்த வீடுகளைப் போலவே மதித்துப் பாதுகாக்கும் பண்பு கொண்டவர்கள் என்பதற்கு இந்தச் சம்பவம் ஒரு சிறந்த எடுத்துக்காட்டாகும். அம்மாநிலம் தொடர்ந்து தூய்மை, பொது ஒழுக்கம் மற்றும் சமூகப் பங்களிப்பு ஆகியவற்றில் சிறந்து விளங்குவதோடு, அங்குள்ள மக்கள் உள்ளூர் அளவில் தூய்மைப் பணிகளை முன்னெடுத்துப் பொது இடங்களைத் தாமாகவே முன்வந்து பாதுகாப்பது குறிப்பிடத்தக்கது.