அந்த படம் ஷூட்டிங் நடக்கும்போதே ஓடாதுன்னு தெரிஞ்சிடுச்சு…  பல வருடம் கழித்து மனம் திறந்த விக்ரம் பட இயக்குனர்!

வெண்ணிலா கபடி குழு திரைப்படம் மூலமாக தமிழ் சினிமாவில் இயக்குனராக அறிமுகம் சுசீந்திரன். முழுக்க முழுக்க புதுமுகங்களைக் கொண்டு உருவான இந்த படம் வலுவான கதை காரணமாக வெற்றி பெற்றது. இதனால் தன்னுடைய முதல் திரைப்படத்திலேயே ரசிகர்களின் பேராதரவை பெற்ற இவர் தற்போது தமிழ் சினிமாவில் முன்னணி இயக்குனர்களில் ஒருவராக தன்னை நிலை நிறுத்திக் கொண்டுள்ளார்.

அந்தத் திரைப்படத்தின் வெற்றியை தொடர்ந்து நான் மகான் அல்ல, பாண்டிய நாடு, ஜீவா, மாவீரன் கிட்டு மற்றும் நெஞ்சில் துணிவிருந்தால் உள்ளிட்ட திரைப்படங்களை இவர் இயக்கி வெற்றி கண்டுள்ளார். ஆனால் அதன் பின்னர் அவர் எடுத்த படங்கள் எல்லாம் தோல்வி படங்களாக அமைந்தன. தொடர்ந்து கடந்த 7 வருடங்களாக அவர் வெற்றிப்படமே கொடுக்கவில்லை.

இந்நிலையில் இப்போது அவர் விஜய் ஆண்டனி இயக்கத்தில் ‘வள்ளிமயில்’ என்ற படத்தை இயக்கி வருகிறார். இதற்கு இடையில் மீண்டும் புதுமுகங்களை வைத்து ‘2கே லவ் ஸ்டோரி’ என்ற படத்தையும் இயக்கி ரிலீஸ் செய்துள்ளார். அந்த படமும் அவரின் தோல்விப் படங்களின் லிஸ்ட்டில் இணைந்துள்ளது.

இந்நிலையில் சமீபத்தில் அவர் அளித்த ஒரு நேர்காணலில் தான் இயக்கி சூப்பர் ப்ளாப் ஆன ‘ராஜபாட்டை’ படம் பற்றி பேசியுள்ளார். அதில் “ராஜபாட்டை படம் ஷூட்டிங் தொடங்கி 10 நாட்களிலேயே இந்த படம் ஓடாது என தெரிஞ்சிடுச்சு. நான் தயாரிப்பாளரிடம் சொன்னபோது அவர் ‘ஏற்கனவே செல்வராகவனை வைத்து ஒரு படம் எடுத்து அது பாதியில் நின்று பலகோடி ரூபாய் நஷ்டம் சார். இதை எப்படியாவது முடித்துக் கொடுங்கள்” என்றார்.

வேறு வழியில்லாமல் எதாவது மேஜிக் நடக்காதா என எடுத்த படம்தான் அது. அந்த படத்தில் பல தவறுகள் நடந்தன. அதில் என்னுடைய தவறும் முக்கியமானது.” எனக் கூறியுள்ளார்.