நண்பேண்டா.. வாழை படத்தின் சக்சஸ் மீட்டுக்கு வந்த சூரி.. வைரலாகும் லேட்டஸ்ட் போட்டோஸ்..!!

முன்னணி இயக்குனரான மாரி செல்வராஜ் இயக்கத்தில் ரிலீசான பரியேறும் பெருமாள், கர்ணன், மாமன்னன் ஆகிய படங்கள் சூப்பர் ஹிட் ஆனது. கடந்த 23-ஆம் தேதி மாரி செல்வராஜ் இயக்கத்தில் உருவான வாழை திரைப்படம் ரிலீஸ் ஆகி மக்களிடையே நல்ல வரவேற்பை பெற்றுள்ளது. திரை பிரபலங்கள் அரசியல் தலைவர்கள் என ஏராளமானோர் வாழை திரைப்படத்தை பாராட்டி வருகின்றனர்.

முன்னதாக வாழை திரைப்படத்திலிருந்து பாடல்கள் ரிலீஸ் ஆகி மக்கள் மனதை வென்றது. வாழை திரைப்படத்தில் கலையரசன், திவ்யா துரைசாமி, நிகிலா விமல் உள்ளிட்டோர் முக்கிய கதாபாத்திரத்தில் நடித்துள்ளனர். வாழை திரைப்படத்தை பார்த்து இயக்குனர் பாலா, சூரி ஆகியோர் சொல்ல வார்த்தைகள் இல்லாமல் மாரி செல்வராஜுக்கு முத்தம் கொடுத்து தங்களது பாராட்டை தெரிவித்து சென்றனர். ஆரம்பத்தில் இருந்து படத்தின் மீது மக்களுக்கு நல்ல அபிப்பிராயம் இருந்தது.

இதே போல கூழாங்கல் பட இயக்குனர் பி.எஸ் வினோத் ராஜ் இயக்கத்தில் சூரி ஹீரோவாக நடித்த கொட்டுக்காளி திரைப்படம் கடந்த 23-ஆம் தேதி திரையரங்குகளில் ரிலீஸ் ஆனது. கொட்டுக்காளி திரைப்படத்தை சிவகார்த்திகேயன் தயாரித்துள்ளார். இந்த படத்தில் அன்னா பென் முக்கிய கதாபாத்திரத்தில் நடித்துள்ளார். பெர்லின் உள்ளிட்ட பல நாடுகளில் கொட்டுக்காளி திரைப்படம் திரையிடப்பட்டு பல விருதுகளை வென்றுள்ளது.

வாழை படம் சூப்பர் ஆன நிலையில் கொட்டுக்காளி படம் சுமாரான வரவேற்பை மட்டுமே பெற்றுள்ளது. வாழை படம் 4 நாட்களில் 12 கோடி ரூபாய் வசூல் செய்த நிலையில் கொட்டுக்காளி படம் 2 கோடி ரூபாய்க்கும் குறைவாக வசூல் செய்துள்ளது. இந்த நிலையில் வாழை படத்தின் சக்சஸ் மீட் நிகழ்ச்சி நடைபெற்றுள்ளது. அந்த நிகழ்ச்சியில் சூரி கலந்து கொண்டார். இது தொடர்பான போட்டோஸை நடிகை திவ்யா துரைசாமி இன்ஸ்டாகிராம் பக்கத்தில் பதிவிட்டுள்ளார். அந்த போட்டோஸ் வேகமாக பரவி வருகிறது.