மத்திய அரசு ஊழியர்களுக்கு சூப்பர் குட் நியூஸ்… அகவிலைப்படி 58% உயர்வு.. ஹோலி பண்டிகைக்கு முன்பே வெளியாகும் அறிவிப்பு…!

 மஹாராஷ்டிராவில் உள்ள 13 லட்சத்திற்கும் அதிகமான அரசு ஊழியர்கள் மற்றும் ஓய்வூதியதாரர்களுக்கு மகிழ்ச்சி அளிக்கும் வகையில், அகவிலைப்படியை 3 சதவீதம் உயர்த்தி மாநில அரசு உத்தரவிட்டுள்ளது. பிப்ரவரி 25, 2026 அன்று நிதித்துறை இணை அமைச்சர் ஆஷிஷ் ஜெய்ஸ்வால் சட்டப்பேரவையில் இந்த அறிவிப்பை வெளியிட்டார். இந்த உயர்வின் மூலம், ஊழியர்களுக்கான அகவிலைப்படி தற்போதுள்ள 55 சதவீதத்திலிருந்து 58 சதவீதமாக அதிகரித்துள்ளது. இது 7-வது ஊதியக் குழுவின் பரிந்துரைகளின் கீழ் பணிபுரியும் ஊமகாராஷ்டிராவில் ழியர்களுக்குப் பொருந்தும்.

இந்த அகவிலைப்படி உயர்வு ஜூலை 1, 2025 முதல் முன் தேதியிட்டு அமல்படுத்தப்படுகிறது. பிப்ரவரி 2026 மாதத்திற்கான ஊதியத்துடன் இந்த கூடுதல் தொகை ரொக்கமாக வழங்கப்படும். மேலும், ஜூலை 2025 முதல் அக்டோபர் 2025 வரையிலான நான்கு மாதங்களுக்கான நிலுவைத் தொகை (Arrears), மார்ச் 2026-ல் வரும் ‘குடி பாடவா’ (Gudhi Padwa) பண்டிகையின் போது வழங்கப்படும் என்று தெரிவிக்கப்பட்டுள்ளது. நவம்பர் 2025 முதல் ஜனவரி 2026 வரையிலான காலத்திற்கான நிலுவைத் தொகை குறித்த அறிவிப்புகள் தனியாக வெளியிடப்படும்.

இந்த அதிரடி முடிவின் மூலம் சுமார் 5.16 லட்சம் மாநில அரசு ஊழியர்களும், 8.72 லட்சம் ஓய்வூதியதாரர்களும் என மொத்தம் 13.88 லட்சம் பேர் நேரடியாகப் பயனடைவார்கள். அதிகரித்து வரும் விலைவாசி மற்றும் பணவீக்கத்திற்கு மத்தியில், ஹோலி பண்டிகையை முன்னிட்டு அரசு வழங்கியுள்ள இந்த ஊதிய உயர்வு, ஊழியர்களின் நிதி நிலையை வலுப்படுத்தும் ஒரு முக்கிய நடவடிக்கையாகப் பார்க்கப்படுகிறது.