ஐயோ… அங்கே என்ன சத்தம்?… விமானிகள் றையில் திடீர் மோதல்… பாதையை மாற்றி சவூதியில் அவசரத் தரையிறக்கம்… நடுவானில் நடந்த அதிர்ச்சி சம்பவம்…!

ஃப்ளைதுபாய் விமான நிறுவனத்தின் விமானம் ஒன்றில் பயணத்தின் போது விமானிகளுக்கு இடையே காரசாரமான வாக்குவாதம் ஏற்பட்டதாகத் தகவல்கள் வெளியாகியுள்ளன. துபாயில் இருந்து இஸ்ரேலின் டெல் அவிவ் நகரை நோக்கிச் சென்று கொண்டிருந்த இந்த விமானத்தில், கேப்டனுக்கும் துணை விமானிக்கும் இடையே மோதல் வெடித்ததாகக் கூறப்படுகிறது. பயணிகள் சிலர் பதிவு செய்த காணொளியில், விமானி அறையின் அருகே நடந்த பதற்றமான சூழலும், துணை விமானி எனச் சந்தேகிக்கப்படும் பணியாளர் ஒருவரின் செயல்பாடுகளும் பதிவாகியுள்ளன.

விமானி அறையில் ஏற்பட்ட இந்த திடீர் அவசர நிலை மற்றும் மோதல் காரணமாக, பயணிகளின் பாதுகாப்பு கருதி விமானத்தின் பாதை உடனடியாக மாற்றப்பட்டது. டெல் அவிவ் செல்ல வேண்டிய அந்த விமானம், சவூதி அரேபியாவில் உள்ள தபூக் விமான நிலையத்திற்கு அவசரமாகத் திருப்பி விடப்பட்டு பாதுகாப்பாகத் தரையிறக்கப்பட்டது. பயணத்தின் நடுவழியில் எதிர்பார்க்காத இந்த சம்பவத்தால் விமானத்தில் இருந்த பயணிகள் பெரும் அதிர்ச்சியும் பீதியும் அடைந்தனர்.

https://twitter.com/upuknews1/status/2105255874981958046/video/1

விமானிகள் இருவருக்கும் இடையே ஏற்பட்ட வாக்குவாதம் இறுதியில் கைகலப்பாக மாறியதாகவும், அதில் துணை விமானி கேப்டனைத் தாக்கியதாகவும் குற்றச்சாட்டுகள் எழுந்துள்ளன. இச்சம்பவம் குறித்து ஊடகங்களில் செய்திகள் வெளியானதை அடுத்து, விமான நிறுவன நிர்வாகம் மற்றும் வான்வழிப் போக்குவரத்து கட்டுப்பாட்டு அமைப்புகள் தீவிர விசாரணையைத் தொடங்கியுள்ளன. பயணிகளின் உயிருக்கு ஆபத்து விளைவிக்கும் வகையில் நடந்துகொண்டதாகக் கூறப்படும் இந்த சம்பவம் குறித்து முழுமையான அறிக்கை கோரப்பட்டுள்ளது.