வெனிசுலா நாட்டின் அபுரே மாகாணத்தில் உள்ள சான் பெர்னாண்டோ பகுதியில், பழங்கள் ஏற்றிச் சென்ற லாரி ஒன்று சிக்னல் சந்திப்பில் பைக் மீது மோதிய விபத்தில் 18 வயது மாணவி பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது. திங்கள்கிழமை இரவு 9 மணிக்கு மேல் ஃபேர்கிரவுண்ட்ஸ் பூங்கா சந்திப்பில் நிகழ்ந்த இந்த விபத்தில், பைக்கில் சென்ற தம்பதியினர் உட்பட பலரை லாரி அடித்துத் தூக்கியது.
படுகாயமடைந்த 18 வயது மாணவி யோஹாண்ட்ரி ஜிமெனெஸ் அவசர ஊர்தி மூலம் பாப்லோ அக்கோஸ்டா ஓர்டிஸ் மருத்துவமனைக்குக் கொண்டு செல்லப்பட்ட நிலையில், சிகிச்சை பலனின்றி அவர் உயிரிழந்தார். இந்தச் சம்பவம் அப்பகுதியில் பெரும் அதிர்ச்சியை ஏற்படுத்தியுள்ளதுடன், சமூக வலைதளங்களிலும் பலரும் தங்களது இரங்கல்களையும் கண்டனங்களையும் பதிவிட்டு வருகின்றனர்.