சட்டசபைக்குள் நுழையப் போகும் சீமான்?…. அம்பாசமுத்திரம் இடைத்தேர்தல் தரும் மெகா ட்விஸ்ட்… திமுக, அதிமுகவிடம் சிக்கிய சிக்கல்…!

அம்பாசமுத்திரம் தொகுதி இடைத்தேர்தலில் நாம் தமிழர் கட்சியின் தலைமை ஒருங்கிணைப்பாளர் சீமானை பொது வேட்பாளராக நிறுவுவது குறித்தான விவாதம் தமிழக அரசியலில் பெரும் எதிர்பார்ப்பை ஏற்படுத்தியுள்ளது. சட்டப்பேரவைத் தேர்தலில் சீமான் தோல்வியைச் சந்தித்திருந்தாலும், அவரது குரல் சட்டப்பேரவையில் ஒலிக்க வேண்டும் என்ற குரல்கள் மக்கள் மத்தியில் எழுந்துள்ளன. இதனால் அவரை எதிர்க்கட்சிகளின் பொது வேட்பாளராக களம் இறக்கலாம் என்ற யோசனை அரசியல் அரங்கில் தீவிரம் பெற்றுள்ளது.

இந்த விவகாரத்தில் திமுகவும், அதிமுகவும் உடனடியாகத் தெளிவான பதிலை அளிக்காமல் மௌனம் காத்து வருகின்றன. செய்தியாளர்களின் கேள்விக்கு பதிலளித்த மு.க.ஸ்டாலின், “இடைத்தேர்தல் தேதி அறிவிக்கட்டும், பின்னர் பேசுவோம்” என்றும், அதிமுக பொதுச்செயலாளர் எடப்பாடி பழனிசாமி, “தேர்தல் தேதி வந்தவுடன் எங்கள் நிலைப்பாட்டை அறிவிப்போம்” என்றும் கூறியுள்ளனர். இந்தத் தயக்கமான அணுகுமுறை, சீமானுடன் திரைமறைவுப் பேச்சுவார்த்தைகளுக்கு வழிகோலியிருப்பதாக அரசியல் நோக்கர்கள் கருதுகின்றனர்.

எனினும், திமுக மற்றும் அதிமுக ஆகிய இரண்டு திராவிடக் கட்சிகளும் சீமானுக்குத் தங்களது செல்வாக்கு மிகுந்த தொகுதியை அவ்வளவு எளிதில் விட்டுக் கொடுக்க முன்வராது என்பதே யதார்த்தம். கடந்த தேர்தல்களில் தாங்கள் தக்கவைத்துள்ள வாக்கு வங்கிகளையும், தென் மாவட்டங்களில் உள்ள தங்களது அரசியல் கட்டமைப்பையும் பலப்படுத்த வேண்டிய கட்டாயத்தில் இரு கட்சிகளுமே உள்ளன. மேலும், அம்பை தொகுதியில் உள்ள நாடார் மற்றும் முக்குலத்தோர் சமூக வாக்குகளைக் கைப்பற்ற அமமுக போன்ற பிற கட்சிகளும் தீவிரமாக களமிறங்கக் கூடும்.

ஆனால் தவெகவுக்கு எதிராக எதிர்க்கட்சிகளுக்கு மத்தியில் ஒரு ஒருங்கிணைந்த உடன்பாடு ஏற்படுவதற்கான வாய்ப்புகள் குறைவு தான். அதற்கான சாத்தியமோ, சூழலோ இப்போது இல்லை. ஒருவேளை அப்படியொரு கூட்டணி தேவை என்றாலும் கூட, அது 2031 சட்டசபைத் தேர்தலுக்கு முன்பாக அமையுமே தவிர, அம்பை இடைத்தேர்தலில் உருவாக வாய்ப்பில்லை என்று தெரிவித்துள்ளார்.