இன்று அண்ணா அறிவாலயத்தில் செய்தியாளர் சந்திப்பு நடந்தது. அதில் பேசிய முதல்வர் ஸ்டாலின், “நாளை மறுநாள் முதல் அனைத்து வீடுகளுக்கும் சென்று பிரச்சாரம் செய்யப்படும். ஆளுங்கட்சி எதிர்க்கட்சி என்று பாரபட்சம் பார்க்காமல் எடப்பாடி பழனிச்சாமி வீட்டிற்கும் கூட போய் பிரச்சாரம் செய்வோம். பிரதமரும், அமித்ஷாவும் அடிக்கடி வந்தால் திமுகவுக்கு வெற்றி வாய்ப்பு அதிகமாக இருக்கும். அவர்கள் ஒவ்வொரு முறையும் வரும்போதெல்லாம் பொய் சொல்கிறார்கள்.
இது மக்களுக்கு வெட்ட வெளிச்சமாக தெரிகிறது. இதனால் நமக்கு தான் நன்மை. ஆளுநரை கூட மாற்ற வேண்டும் என்று கோரிக்கை விடுக்கிறார்கள். ஆனால் நாங்கள் அதுபோல கேட்கவில்லை. கட்சி எல்லைகளை தாண்டி தமிழக பிரச்சினைக்காக நாம் ஓரணி நிற்க வேண்டும். பாஜகவின் போர் எதிர்கொள்ள நெஞ்சம் மிக்க சக்தி தமிழகத்திற்கு தேவை. திமுக கூட்டணியில் கூடுதலாக கட்சிகள் இணைய வாய்ப்பு இருக்கிறது. தேர்தல் தேதி அறிவித்ததும் தொகுதி பங்கீடு பேச்சு வார்த்தை நடத்தப்படும்” என்று கூறியுள்ளார்.