சினிமாவில் மிகவும் பிரபலமான நடன இயக்குனர்களில் ஒருவர்தான் ஸ்ரீதர். இவர் தமிழ் மட்டுமல்லாமல் தெலுங்கு, மலையாளம் மற்றும் ஹிந்தி போன்ற பல மொழி திரைப்படங்களில் நடன இயக்குனராக பணியாற்றியுள்ளார். தற்போது கதாநாயகனாகவும் தமிழ் திரைப்படங்களில் இவர் நடித்து வருகின்றார். இவர் அனைத்து மொழி முன்னணி நடிகர்களுக்கும் நடன இயக்குனராக பணியாற்றியுள்ளார். இவருடைய நடனங்கள் அனைத்தும் பார்ப்பவர்களை ஆட தூண்டும் அளவுக்கு அமைந்துள்ளது என்று கூறினால் மிகை ஆகாது. சினிமாவில் பிஸியாக இருக்கும் இவர் சென்னையில் சொந்தமாக டான்ஸ் ஸ்டுடியோ வைத்து மாணவர்களுக்கு நடனம் சொல்லிக் கொடுத்து வருகின்றார்.
இவருக்கு திருமணம் ஆகி அக்ஷதா என்ற மகள் உள்ள நிலையில் அவருடைய மகளும் நடனத்தில் மிரட்டி வருகிறார். தந்தையை விட நடனத்தில் பயங்கர ஆர்வம் கொண்டவர். இவருடைய நடனத்திற்கு தற்போது ஏகப்பட்ட ரசிகர்கள் உள்ளனர். அது மட்டுமல்லாமல் ஸ்ரீதர் மாஸ்டர் தன்னுடைய மகளுடன் அடிக்கடி நடனமாடும் வீடியோக்களை இன்ஸ்டாகிராம் பக்கத்தில் பதிவிட்டு வருகிறார்.
இவர்களுடைய நடனம் ரசிகர்களை வெகுவாக கவரும் நிலையில் இணையத்திலும் நல்ல வரவேற்பை பெற்று வருகிறது. இந்த நிலையில் சென்னையில் கடந்த சில நாட்களாக கனமழை கொட்டி தீர்த்து வருவதால் பல இடங்களிலும் மழை நீர் தேங்கி நிற்கிறது. அப்படி தேங்கி நிற்கும் மழை நீரில் ஸ்ரீதர் மாஸ்டர் தனது மகளுடன் நடனமாடிய ஒரு வீடியோவை பகிர்ந்துள்ளார். அந்த வீடியோ தற்போது இணையத்தில் வைரலாகி வருகிறது.
Instagram இல் இந்த இடுகையைக் காண்க