தமிழகத்தில் புதிய குடும்ப அட்டைக்கு விண்ணப்பிப்பது முதல் பெயர் சேர்த்தல், நீக்கல் மற்றும் முகவரி மாற்றம் போன்ற பல்வேறு திருத்தங்களை மேற்கொள்வது வரை பொதுமக்கள் தங்களின் ரேஷன் கார்டு தொடர்பான அனைத்து தேவைகளையும் ஒரே இடத்தில் பூர்த்தி செய்யும் வகையில், வரும் ஜூன் 13-ம் தேதி சிறப்பு முகாம் நடைபெற உள்ளது. சென்னை, நாமக்கல், தஞ்சாவூர் உள்ளிட்ட மாநிலத்தின் பல மாவட்டங்களில் இந்த முகாம்கள் நடத்தப்பட உள்ளன.
இந்த முகாமின் முக்கிய சிறப்பம்சமாக, வயது முதிர்வு அல்லது உடல்நலக்குறைவு காரணமாக ரேஷன் கடைகளுக்கு நேரில் சென்று பொருள்களை வாங்க இயலாத மூத்த குடிமக்களுக்கு “அங்கீகாரச் சான்று” (Authorization Certificate) வழங்கப்படும்; இந்தச் சான்றைப் பெறுபவர்களின் இல்லங்களுக்கே தேடிச் சென்று மாதந்தோறும் ரேஷன் பொருள்கள் விநியோகிக்கப்படும் என அறிவிக்கப்பட்டுள்ளதால் பொதுமக்கள் இந்த நல்வாய்ப்பைப் பயன்படுத்தி தங்களின் ரேஷன் கார்டு சிக்கல்களுக்குத் தீர்வு காணுமாறு கேட்டுக்கொள்ளப்படுகிறார்கள்.