‘காந்த குரல்’ பாடகர் எஸ் பி பாலசுப்ரமணியனின் மகளா இவர்?… அவர் இந்த நிகழ்ச்சியில் கலந்து கொண்டாரா?…

பாடகர், தயாரிப்பாளர், நடிகர் என பன்முக திறமைகளோடு வலம் வந்தவர் எஸ் பி பாலசுப்ரமணியம். இவர் கின்னஸ் சாதனை, பத்மஸ்ரீ, பத்மபூஷன் உள்பட பல தேசிய விருதுகள்  பெற்ற பன்மொழி பல்துறை வித்தகர்.

இவர் தனது இசை ஆர்வத்தை இளம் வயதிலேயே வளர்த்து தன் தந்தை வாசிக்கும் பொழுது கவனித்து கற்று, இசைக்கருவிகளை வாசிக்கவும் தேர்ச்சி பெற்றார். 1960 இல் தமிழ் திரை இசை உலகில் அறிமுகமான எஸ் பி பாலசுப்ரமணியம் 50 ஆண்டுகளை தாண்டி திரையுலகில் தனது திறமையினால் உச்சத்தை தொட்டவர்.

இவர் தமிழில் முதலில் பாடியது மெல்லிசை மன்னர் எம் எஸ் வி இசையில், எல் ஆர் ஈஸ்வரியோடு இணைந்து ‘அத்தானோடு இப்படி இருந்து எத்தனை நாளாச்சு’ என்ற பாடல் தான். இதைத் தொடர்ந்து சாந்தி நிலையம் என்ற திரைப்படத்தில் ‘இயற்கை என்னும் இளைய கன்னி’ என்ற பாடலை பாடினார்.

இதை தொடர்ந்து இவர் பாடிய பாடல்கள் அனைத்தும் ஹிட் ஆகியது. உலக அளவில் அதிக எண்ணிக்கையிலான பாடல்களை பாடியதற்காக உலக சாதனை புத்தகத்திலும் இடம் பிடித்தார். பல்வேறு விருதுகளை வாங்கி குவித்த இவர் 2020ல் கொரோனா தொற்று ஏற்பட்டு சிகிச்சை பலனின்றி செப்டம்பர் 25ல் காலமானார்.

எம்ஜிஆர், சிவாஜி தொடங்கி தற்போதைய நடிகர்களான விஜய், அஜித் வரை பாடல்களை பாடி அசத்தியவர் எஸ்பிபி. இவர் இறுதியாக ரஜினியின் ‘பேட்ட’ திரைப்படத்தில் இடம்பெற்ற ‘மரண மாஸ்’ என்ற பாடலை பாடியதும் குறிப்பிடத்தக்கது.

எஸ். பி. பாலசுப்ரமணியம் அவர்களுக்கு ஒரு மகன் மற்றும் மகள் உள்ளனர் என்பது நாம் அனைவரும் அறிந்த ஒன்றே. இவரது மகன் எஸ் பி சரண் தமிழ் சினிமாவில் நடிகராகவும், தயாரிப்பாளராகவும் வலம் வந்து கொண்டுள்ளார்.

ஆனால் இவரது மகள் இதுவரை எந்த நிகழ்ச்சியிலும் கலந்து கொண்டது கிடையாது. இவரது புகைப்படமும் இணையத்தில் அவ்வளவாக வெளியானது கிடையாது.  தற்போது இவர் விஜய் தொலைக்காட்சி ஒளிபரப்பாகும் சூப்பர் சிங்கர் நிகழ்ச்சியில் முதல் முறையாக கலந்து கொள்ள உள்ளார்.

இதோ அந்த ப்ரோமோ வீடியோ…