அடக்கடவுளே..! “தந்தை சொன்ன அந்த ஒரு வார்த்தை” விஷத்தை குடித்து உயிரை விட்ட இளைஞர்… நெஞ்சை உலுக்கும் சம்பவம்..!!

மத்தியப் பிரதேச மாநிலம் கண்ட்வா மாவட்டத்தில், தந்தையின் மதுப்பழக்கம் மற்றும் தவறான நடத்தையால் மனமுடைந்த 22 வயது இளைஞர் தற்கொலை செய்துகொண்ட சம்பவம் பெரும் சோகத்தை ஏற்படுத்தியுள்ளது. ஹர்ஸ்வாடா கிராமத்தைச் சேர்ந்த பிரவீன் மண்டலோய் என்ற அந்த இளைஞர், தனது தந்தையின் குடிப்பழக்கம் மற்றும் அவர் மீது சுமத்தப்பட்ட திருட்டுப் புகார்களால் மிகுந்த மன உளைச்சலில் இருந்துள்ளார்.

சமீபத்தில் திருட்டு வழக்கில் சிக்கிய தனது தந்தையை, பிரவீன் 10,000 ரூபாய் பிணைத் தொகை செலுத்தி காவல் நிலையத்திலிருந்து மீட்டு வந்துள்ளார். தனது தந்தை திருந்துவார் என்று எதிர்பார்த்த பிரவீனுக்கு ஏமாற்றமே மிஞ்சியது. மீண்டும் மது அருந்திய தந்தையைக் கண்டித்தபோது, அவர் மதுப்பழக்கத்தைக் கைவிட மறுத்ததுடன், “உனக்கு சாக வேண்டும் என்று தோன்றினால் போய் சாவு” என்று கோபத்தில் கூறியுள்ளார். தந்தையின் இந்த வார்த்தைகளால் கடும் வேதனையடைந்த பிரவீன், விஷம் குடித்துத் தனது உயிரை மாய்த்துக்கொண்டார்.

கொரோனா காலத்தில் தனது தாயை இழந்த பிரவீன், அன்று முதல் தனது தந்தை மற்றும் சகோதரியின் பொறுப்புகளைத் தானே சுமந்து வந்துள்ளார். குடும்ப பாரத்தை இழுத்து வந்த நிலையில், தந்தையின் பொறுப்பற்ற செயலால் ஒரு இளம் உயிர் பறிபோயுள்ளது அந்த கிராமத்தையே சோகத்தில் ஆழ்த்தியுள்ளது. இச்சம்பவம் குறித்து போலீசார் வழக்குப் பதிவு செய்து விசாரணை நடத்தி வருகின்றனர்.