வைரமுத்துவுக்கு என் மேல் அப்படி என்ன கோபம்?.. அந்த சம்பவத்த மறக்கவே மாட்டேன் – எமோஷனலாக பேசிய சினேகன்!

1980 ஆம் ஆண்டு நிழல்கள் திரைப்படத்தில் இடம்பெற்ற இது ஒரு பொன்மாலைப் பொழுது என்ற பாடலின் மூலம் அறிமுகம் ஆனவர் வைரமுத்து. அப்போது இளையராஜாவுக்கும் அவருக்கும் இடையிலான நட்பு அதிகமாகி அடுத்தடுத்த ஆண்டுகளில் இளையராஜா இசையில் அதிக பாடல்கள் எழுதியவராக இருந்தார். ஆனால் இந்த கூட்டணி ஒரு கட்டத்தில் பிரிந்தது.

அதற்குக் காரணம் இருவருக்கும் இடையிலான படைப்பு ரீதியிலான கருத்து வேறுபாடுதான் என்று சொல்லப்படுகிறது. அதன் பிறகு 35 ஆண்டுகளாக சினிமாவில் பணியாற்றி வந்தாலும் இணைந்து ஒரே ஒரு பாடல் கூட பணியாற்றவில்லை. பலரும் அவர்களை சேர்த்து வைக்க முயற்சி செய்த போதும் அது நடக்கவில்லை.

ஆனாலும் ரஹ்மானின் வருகைக்குப் பிறகு வைரமுத்து தனது செகண்ட் இன்னிங்ஸை வெற்றிகரமாக தொடங்கி இப்போது வரை முன்னணி பாடல் ஆசிரியராக இருக்கிறார். வைரமுத்துவிடம் பல ஆண்டுகள் உதவியாளராக பணியாற்றி வந்தார் சினேகன். ஆனால் அவர் ஒரு கவிஞர் என்பதும் பின்னாளில் பாடல் ஆசிரியராக வருவார் என்பதும் அவருக்கேத் தெரியாதாம்.

ஆனால் வைரமுத்துவோடு ஏற்பட்ட ஒரு சிறு பிணக்குக் காரணமாக சினேகன் அவரை விட்டு பிரிந்துள்ளார். அதன் பின்னர் அவர் பாடல் ஆசிரியர் ஆனபோதும் எப்போதும் அவரைப் பாராட்டியதே இல்லையாம். மேலும் இரண்டும் பேரும் சேர்ந்து ஒரு படத்துக்கு பாடல் எழுத வேண்டிய சூழல் வந்தால் “சினேகன் எழுதினா, நான் எழுத மாட்டேன்” என வெளிப்படையாக சொல்லியுள்ளாராம். இதனால் பல பட வாய்ப்புகளை தான் இழந்துள்ளதாக சினேகன் தெரிவித்துள்ளார்.

மேலும் “நான் முதல் முதலாக கவிதைப் புத்தகம் வெளியிட்ட போது அதில் வைரமுத்து வந்து கலந்துகொள்ள வேண்டும் என ஆசைப்பட்டேன். இதற்காக புத்தகத்தைக் கொண்டு போய் கொடுத்து மூன்று மாதம் காத்திருந்தேன். ஆனால் மூன்றுமாதம் கழித்து நான் ஊரில் இருந்தால் வருகிறேன் என்றும் வேண்டுமானால் வைரமுத்துவின் ஆசிகளோடு என்று போட்டுக்கொள்ள சொன்னார்கள். ஆனால் நான் “சினேகன் விழாவுக்கு வருகிற வைரமுத்துதான் வேண்டும். ஊரில் இல்லாத வைரமுத்து வேண்டாம் என சொல்லிவிட்டேன்” என எமோஷனலாக பேசியுள்ளார்.