தமிழ் சினிமாவின் முன்னணி நடிகராக வலம் வருபவர் தனுஷ். இந்த நிலையில் தனுஷ் இயக்கி நடித்த ராயன் திரைப்படம் கடந்த சில நாட்களுக்கு முன்பு திரையரங்குகளில் ரிலீஸ் ஆகி சூப்பர் ஹிட் ஆனது. அந்த படத்தின் மூலமாக இயக்குனராகவும் வெற்றி கண்டார் தனுஷ். இந்த படம் மக்களிடையே அமோக வரவேற்பு பெற்றது. வசூல் ரீதியாகவும் விமர்சன ரீதியாகவும் ராயன் திரைப்படம் வெற்றியடைந்தது.
இந்த நிலையில் தனுஷ் நிலவுக்கு என் மேல் என்னடி கோபம் என்ற திரைப்படத்தை இயக்க உள்ளார். நிலவுக்கு என் மேல் என்னடி கோபம் படத்தில் அனிகா சுரேந்தர், பிரியா வாரியர், மேத்யூ தாமஸ் உள்ளிட்டோர் பலர் முக்கிய கதாபாத்திரத்தில் நடித்துள்ளனர். இந்த படத்திற்கு ஜி.வி பிரகாஷ் குமார் இசையமைத்துள்ளார். நடிகை பிரியங்கா மோகன் கேமியோ பெர்ஃபார்மன்ஸ் செய்துள்ளார்.
இந்த படத்தில் வெளியான கோல்டன் ஸ்பாரோ பாடல் செம ஹிட் அடித்தது. இந்த நிலையில் NEEK படம் குறித்து எஸ் ஜே சூர்யா எக்ஸ் தளத்தில் வாழ்த்தி பதிவிட்டுள்ளார், அதில், “NEEK படத்தை தனுசுடன் சேர்ந்து பார்த்தேன். ஜாலியான படமாக இருந்தாலும் எமோஷனலாகவும் தனித்துவம் ஆகவும் இருந்தது. தனுஷிற்குக்கு ஒரு கேள்வி மட்டும் தான். ராயன் படத்திற்கு பின்பு பிசியாக இருந்த போதும் இப்படி ஒரு ஜாலியான படத்தை எப்படி எடுத்தீர்கள் ? என்று கேள்வி எழுப்பியுள்ளார்.