டேய் பயந்துட்டியா..? பின்னால் இருந்து கட்டிப்பிடித்து பயமுறுத்திய சிராஜ்… ஒரு நிமிடம் மிரண்டு போன விராட் கோலி.. ஆர்சிபி – ஜிடி மோதலில் நெகிழ்ச்சியான தருணம்..!!

ஐபிஎல் 2026 கிரிக்கெட் தொடரில் பெங்களூரு சின்னசாமி மைதானத்தில் நடைபெற்ற ஆர்சிபி மற்றும் குஜராத் டைட்டன்ஸ் அணிகளுக்கு இடையிலான போட்டியின் போது, முகமது சிராஜ் மற்றும் விராட் கோலி இடையிலான நட்பு ரசிகர்களை வெகுவாகக் கவர்ந்தது. நீண்ட காலம் ஆர்சிபி அணியில் கோலியுடன் இணைந்து விளையாடிய சிராஜ், தற்போது குஜராத் டைட்டன்ஸ் அணிக்காக விளையாடி வருகிறார். போட்டிக்கு முன்னதாக நடந்த பயிற்சியின் போது, விராட் கோலி கவனிக்காத நேரத்தில் பின்னால் இருந்து ஓடி வந்த சிராஜ், அவரைத் திடீரெனக் கட்டிப்பிடித்து ஆச்சரியப்படுத்தினார்.

சிராஜின் இந்த எதிர்பாராத செயலால் ஒரு கணம் மிரண்டு போன விராட் கோலி, பின்னர் அது சிராஜ் தான் என்பதை உணர்ந்து சிரித்தபடி அவரைக் கட்டிப்பணைத்துக் கொண்டார். முன்னாள் அணி வீரர்களுக்கு இடையிலான இந்த அன்பான வீடியோ சமூக வலைதளங்களில் வைரலாகி வருகிறது. “சிராஜின் வளர்ச்சியில் கோலிக்கு முக்கிய பங்கு உண்டு” என்று சிராஜ் பலமுறை நெகிழ்ச்சியுடன் குறிப்பிட்டுள்ள நிலையில், மைதானத்தில் எதிரெதிர் அணிகளாக மோதிக்கொண்டாலும் இவர்களது சகோதரத்துவப் பிணைப்பு மாறவில்லை என்பதை இச்சம்பவம் மீண்டும் நிரூபித்துள்ளது.