கிடுக்குப்பிடி போட்ட கமல்… சிம்பு Vote போட வராததுக்கு இதுதான் காரணமா..?

தமிழ் சினிமாவில் குழந்தை நட்சத்திரமாக அறிமுகமாகி தற்போது முன்னணி நடிகராக ஜொலித்துக் கொண்டிருப்பவர் தான் நடிகர் சிம்பு.  இவர் தற்பொழுது இயக்குனர் ராஜ்குமார் பெரியசாமி இயக்கத்தில் STR 48 திரைப்படத்தில் நடித்து வருகிறார். இதற்காக வெளிநாடு சென்று தனது உடலை பிட்டாக மாற்றினார் நடிகர் சிம்பு.

உலக நாயகன் கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் தயாரிக்கும் இந்த திரைப்படத்தின் மீது ரசிகர்கள் மத்தியில் மிகுந்த எதிர்பார்ப்பு எழுந்துள்ளது.  இதில் சிம்பு அண்ணன், தம்பி இரட்டை வேடத்தில் ஹீரோ மற்றும் வில்லனாகவும் முட்டி மோத போகிறார் எனவும்,  அரியணைக்காக போராடும் சகோதரர்களின் கதைதான் இந்த படத்தின் மையக்கரு என்றும் கூறப்படுகிறது.

இதுவரை எஸ்டிஆர் நடிப்பில் வெளியான படங்களில் இந்தப் படம் தான் அதிக பட்ஜெட்டில் பிரமாண்டமாக எடுக்கக்கூடிய படம் என்பதும் குறிப்பிடத்தக்கது. ஆனால் தற்பொழுது இவர் STR 48  பட பணிகளை ஒத்திவைத்துவிட்டு, கமலின் Thug Life பட பணிகளை கவனித்து வருகிறார். உலக நாயகன் கமல்ஹாசன் மற்றும் பிரபல இயக்குனர் மணிரத்தினம் ஆகிய இருவரும் இணையும் அடுத்த திரைப்படம் தான்  Thug Life. இந்த திரைப்படத்திற்கான படப்பிடிப்பு பணிகள் தற்பொழுது விறுவிறுப்பாக நடந்து வருகிறது.

இந்த திரைப்படத்தில் பிரபல நடிகர் துல்கர் சல்மான் ,  நடிகர்  ஜெயம் ரவி ,  நடிகை திரிஷா போன்றோர் முக்கியமான கதாபாத்திரத்தில் நடித்து வருகின்றனர். இவர்கள் மட்டுமின்றி நடிகர் சிம்புவும் இந்த படத்தில் இணைந்துள்ளாராம்.  தற்பொழுது இப்படத்தின் ஷூட்டிங்  ராஜஸ்தானின் ஜெய்சால்மர் பகுதியில் நடைபெறுவதால் நடிகர் சிம்பு அங்கு சென்றுள்ளாராம். அதனால்  தான் அவரால் வாக்களிக்க முடியவில்லை என்று கூறப்படுகிறது.