பகீர்… முன்விரோதத்தில் திட்டமிட்டு நடந்த கொலையா?… சாலை விபத்தில் வெளிவந்த அதிர்ச்சி உண்மை… நடுங்கவைக்கும் சிசிடிவி காட்சி…!

த்ரிச்சூர் புதுக்காட்டில் இருசக்கர வாகனம் மோதி இளைஞர் பலியான சம்பவம், சாதாரண சாலை விபத்து அல்ல என்றும் அது திட்டமிட்டு நடத்தப்பட்ட படுகொலை என்றும் உயிரிழந்தவரின் குடும்பத்தினர் பரபரப்பு புகார் தெரிவித்துள்ளனர். பட்டாம்பியைச் சேர்ந்த ரிஜாஸ் என்ற இளைஞர் ஞாயிற்றுக்கிழமை மாலை நடந்த விபத்தில் உயிரிழந்தார். விபத்து நடப்பதற்கு சுமார் 10 நிமிடங்களுக்கு முன்பு, காரில் வந்தவர்களுக்கும் ரிஜாஸ் மற்றும் அவருடன் பயணித்த பெண் தோழிக்கும் இடையே தகராறு ஏற்பட்டுள்ளது. இந்த ஆத்திரத்தில் காரில் இருந்தவர்கள் வேண்டுமென்றே மோட்டார் சைக்கிள் மீது காரை மோதி விபத்தை ஏற்படுத்தியதாக ரிஜாஸின் தந்தை குற்றம் சாட்டியுள்ளார்.

காரில் பயணித்தவர்கள் அனைவரும் தமிழ்நாட்டைச் சேர்ந்தவர்கள் என்றும், அவர்கள் அனைவரும் சம்பவத்தின் போது மதுபோதையில் இருந்ததை காவல்துறை கண்டறிந்துள்ளதாகவும் ரிஜாஸின் தந்தை தெரிவித்துள்ளார். ரிஜாஸுடன் பயணித்த பெண் தோழி அளித்த தகவலின் பேரிலேயே, விபத்துக்கு முன் நடந்த தகராறு வெளிச்சத்திற்கு வந்துள்ளது. இது தொடர்பாக விரிவான விசாரணை நடத்தக் கோரி, குடும்பத்தினர் த்ரிச்சூர் கிராமப்புற காவல் கண்காணிப்பாளரிடம் புகார் மனு அளித்துள்ளனர்.

https://twitter.com/HateDetectors/status/2085271259693400514/video/1

இச்சம்பவம் தொடர்பான டேஷ்கேம் மற்றும் சிசிடிவி காட்சிகள் தற்போது வெளியாகியுள்ளன. இந்த காட்சிகளை அடிப்படையாகக் கொண்டு காவல்துறையினர் தீவிர விசாரணை மேற்கொண்டு வருகின்றனர். இருப்பினும், குடும்பத்தினர் வைக்கும் குற்றச்சாட்டுகளை அதிகாரிகள் இன்னும் அதிகாரப்பூர்வமாக உறுதிப்படுத்தவில்லை. உயிரிழப்பிற்கான உண்மையான காரணத்தை கண்டறிய தொடர்ந்து விசாரணை நடத்தப்பட்டு வருகிறது.