ரெட் பஸ் செயலி வாயிலாக சுமார் ரூ 2,500 கட்டணம் செலுத்தி பதிவு செய்த பயணச் சீட்டுக்கு, அடிப்படை வசதிகளற்ற மற்றும் பாதுகாப்பற்ற நிலையில் உள்ள பழமையான பேருந்து வழங்கப்பட்டதாகக் கூறப்படும் சம்பவம் பெரும் அதிர்ச்சியை ஏற்படுத்தியுள்ளது. பயணக் கட்டணத்திற்கு ஏற்ற தரமான சேவையை வழங்க வேண்டியது சேவை நிறுவனத்தின் கடமையாகும். ஆனால், பயணிகளின் பாதுகாப்பையே கேள்விக் குறியாக்கும் வகையில் இத்தகைய பேருந்துகளைாக்குவது சேவை குறைபாடு மட்டுமின்றி, நுகர்வோர் உரிமைகளை கடுமையாக மீறும் செயலாகும்.
தான் செல்ல வேண்டிய பேருந்து இதுவல்ல என்பதை உணர்ந்து, இறங்கிவிட விரும்பிய பயணயை அனுமதிக்காமல், ஓட்டுநர் பேருந்தை நிறுத்த மறுத்து பயணத்தைத் தொடர வற்புறுத்தியதாகக் கூறப்படும் குற்றச்சாட்டு மிகவும் கவலைக்குரியது. இது ஒரு பயணச்சீட்டு விவகாரத்தைத் தாண்டி, நபர் ஒருவரை அவரது விருப்பத்திற்கு மாறாகக் கட்டாயப்படுத்தி அழைத்துச் செல்லும் மனித உரிமை மீறல் மற்றும் தனிநபர் சுதந்திரத்தைப் பறிக்கும் நடவடிக்கையாகும். இத்தகைய செயல்கள் பயணிகள் மத்தியில் கடுமையான அச்சத்தையும் பாதுகாப்பற்ற உணர்வையும் ஏற்படுத்துகின்றன.
இக்குற்றச்சாட்டுகள் உண்மை எனில், இது சாதாரண சேவைத் தவறு அல்ல; பயணிகளின் பாதுகாப்பு மற்றும் கண்ணியத்தின் மீதான கடுமையான தாக்குதலாகும். எனவே, இச்சம்பவம் குறித்து நடுநிலையான முறையில் விரிவான விசாரணை நடத்தப்பட வேண்டும். தவறிழைத்த பேருந்து நிர்வாகம் மற்றும் சம்பந்தப்பட்ட நபர்கள் மீது சட்டப்படி கடுமையான நடவடிக்கை எடுக்கப்படுவதோடு, இனி வரும் காலங்களில் எந்தவொரு பயணியும் இதுபோன்ற ஆபத்தான மற்றும் அவமானகரமான பயணத்தை எதிர்கொள்ளாத வண்ணம் உரிய பாதுகாப்பு நடைமுறைகள் உறுதி செய்யப்பட வேண்டும்.