அருப்புக்கோட்டையில் அமைச்சர் ஜெகதீஸ்வரி ஆதரவோடு மணல் கொள்ளை நடப்பதாக ஒட்டப்பட்ட போஸ்டர்கள் அப்பகுதியில் பெரும் பரபரப்பை ஏற்படுத்தின. இது குறித்து தனியார் இதழ் ஒன்று எழுப்பிய கேள்விக்கு, “இதெல்லாம் ஒரு விஷயமா?” என்று அமைச்சர் அலட்சியமாகப் பதிலளித்து சர்ச்சையைக் கிளப்பியுள்ளார்.
மேலும், இந்த மணல் கொள்ளையில் அமமுகவிலிருந்து விலகி தமிழக வெற்றிக் கழகத்தில் இணைந்த ஒரு முக்கியப் புள்ளியும், திமுக நகரமன்ற கவுன்சிலர் ஒருவரும் கூட்டுச் சேர்ந்து ஈடுபட்டு வருவதாக குற்றச்சாட்டுகள் எழுந்தன. எனினும், தன் மீது சுமத்தப்பட்ட இந்த குற்றச்சாட்டை முற்றிலும் மறுத்துள்ள தவெக பிரமுகர், இதில் தனக்கு எவ்விதத் தொடர்பும் இல்லை என்று விளக்கம் அளித்துள்ளார்.