இரவு நேரத்தில் நெடுஞ்சாலைகளில் இயங்கும் பேருந்துகள் நிறுத்தி வைக்கப்படும் உணவகங்களில் போக்குவரத்துத் துறை அமைச்சர் பார்த்திபன் திடீர் ஆய்வு மேற்கொண்டார். இந்த ஆய்வின் போது, உணவகங்களில் வழங்கப்பட்ட உணவின் தரம், அவற்றின் விற்பனை விலை மற்றும் பயணிகளுக்காக அமைக்கப்பட்டுள்ள கழிப்பறைகளின் தூய்மை உள்ளிட்ட அடிப்படை வசதிகள் குறித்து அங்கு இருந்த பயணிகளிடம் நேரில் கேட்டறிந்தார்.
மேலும், அரசு நிர்ணயித்த விலையை விடக் கூடுதலாகக் கட்டணம் வசூலிக்கும் உணவக உரிமையாளர்கள் மீது தயவுதாட்சணியமின்றி உடனடியாகத் தகுந்த நடவடிக்கை எடுக்குமாறு சம்பந்தப்பட்ட அதிகாரிகளுக்கு அவர் அதிரடி உத்தரவு பிறப்பித்தார்.