சிறுமிகளை பாலியல் வன்கொடுமை செய்து சீரழித்த குற்றத்துக்காக ‘ஜெம்’ கிரானைட் தொழிலதிபர் வீரமணி மீது போக்சோ சட்டத்தின் கீழ் வழக்குப்பதிவு செய்யப்பட்டு கைது செய்யப்பட்டுள்ளார். இந்த அதிர்ச்சி சம்பவத்தில் தொடர்புடைய சாந்தி மற்றும் மகேந்திர சிம்கன் ஆகிய இருவரையும் 3 நாட்கள் காவலில் எடுத்து விசாரிக்க நீதிமன்றம் தற்போது அனுமதி வழங்கியுள்ளது.
ஏற்கனவே வீரமணியிடம் நடத்தப்பட்ட தீவிர விசாரணையில் பல முக்கியத் தகவல்கள் காவல்துறையினருக்குக் கிடைத்துள்ளன. அதன் அடிப்படையில், தற்போது காவலில் எடுக்கப்பட்டுள்ள சாந்தி மற்றும் மகேந்திர சிம்கன் ஆகியோரிடம் 200-க்கும் மேற்பட்ட கேள்விகளைக் கேட்டு விசாரணையைத் தீவிரப்படுத்த காவல்துறை திட்டமிட்டுள்ளது.
இதனிடையே, காவல் துறையினரின் விசாரணையின் போது சாந்தி அழுது புலம்பியதாகத் தெரிகிறது. “பாலியல் வழக்கில் வீரமணியின் லீலைகளை வெளி உலகிற்கு அம்பலப்படுத்திய என்னையே குற்றவாளியாக மாற்றுவதா?” என்று அவர் போலீசாரிடம் கண்ணீர் விட்டு முறையிட்டுள்ளார். எனினும், வழக்கின் முழு உண்மையையும் கொண்டு வர இருவரிடமும் விசாரணை தொடர்கிறது.