சில வருடங்களில் பிரிந்த உறவு.. சத்தமில்லாமல் 2-வது திருமணத்தை முடித்த பிரபல சீரியல் நடிகை சுபிக்ஷா..!!

பிரபல சீரியல் நடிகையும் டான்ஸருமான சுபிக்ஷா நீதானே என் பொன்வசந்தம் சீரியல் மூலம் திரையுலகில் அறிமுகமானார். அதன் பிறகு கொற்றவை என்ற படத்தில் நடித்தார். பின்னர் ஜீ தமிழில் ஒளிபரப்பான ரஜினி சீரியலிலும் நடித்துள்ளார். கடந்த 2020-ஆம் ஆண்டு சுபிக்ஷா மானஸ் என்பவரை காதலித்து திருமணம் செய்து கொண்டார்.

முன்னதாக மானஸ் சீரியல் நடிகை ஆலியா மானசாவை காதலித்து வந்தார். இருவரும் திருமணம் செய்து கொள்வார்கள் என எதிர்பார்க்கப்பட்டது.  ஆனால் கருத்து வேறுபாடு காரணமாக ஆல்யா தனது காதலரை விட்டு பிரிந்து விட்டார். அதன் பிறகு ராஜா ராணி சீரியலில் தன்னுடன் இணைந்து நடித்த சஞ்சீவை காதலித்து திருமணம் செய்து கொண்டனர்.

இந்த தம்பதியினருக்கு ஒரு மகனும் ஒரு மகனும் இருக்கின்றனர். ஆல்யா சன் டிவியில் ஒளிபரப்பாகும் இனியா சீரியலில் கதாநாயகியாக நடிக்கிறார். சஞ்சீவ் கயல் சீரியலில் கதாநாயகனாக நடிக்கிறார். சமீபத்தில் தான் ஆல்யா சஞ்சீவ் தம்பதியினர் 1.50 கோடி ரூபாய் செலவில் தங்களது கனவு இல்லத்தை கட்டி முடித்தனர்.

ஆல்யாவை விட்டு பிரிந்த பிறகு தான் மானஸ் சுபிக்ஷாவை காதலித்து திருமணம் செய்து கொண்டார். மானஸ் சன் டிவியில் ஒளிபரப்பாகும் செவ்வந்தி சீரியலில் முக்கிய கதாபாத்திரத்தில் நடித்து வருகிறார். மேலும் பல்வேறு திரைப்படங்களில் நடன இயக்குனராகவும் வேலை பார்த்து வருகிறார். இந்த நிலையில் கருத்து வேறுபாடு காரணமாக திருமணமான இரண்டு ஆண்டுகளிலேயே சுபிக்ஷா தனது கணவர் மானசை விவாகரத்து பெற்று பிரிந்து விட்டார்.

மேலும் சமூக வலைதளத்தில் தனது கணவர் மானசுடன் எடுத்துக்கொண்ட புகைப்படத்தையும் நீக்கிவிட்டார். நேற்று கேரளாவை சேர்ந்த தொழிலதிபரான அவினாஷ் வாசுதேவன் என்பவரை சுபிக்ஷா இரண்டாவதாக திருமணம் செய்துள்ளார். இவர்களது திருமணம் நேற்று பிரம்மாண்டமாக நடைபெற்றது. திருமண புகைப்படங்கள் தற்போது சமூக வலைதளத்தில் வேகமாக பரவி வருகிறது. அதனை பார்த்த ரசிகர்கள் சுபிஷாவுக்கு வாழ்த்து தெரிவித்து வருகின்றனர்.