அட கடவுளே… பள்ளிவாசல் வாசலில் பிச்சை எடுத்த மூதாட்டி மரணம்… வீட்டை தொறந்தா சாக்கு மூட்டை நிறையா காசு… உறவினர்கள் செய்த அதிர்ச்சி காரியம்…!

கர்நாடக மாநிலம் மாண்டியாவில் பள்ளிவாசல் வாசலில் பல ஆண்டுகளாகப் பிச்சை எடுத்து வந்த ஹூர் என்ற மூதாட்டி சமீபத்தில் காலமானார். தனது குடும்பத்தினர் யாரும் தன்னைக் கவனிக்காததால் பிழைப்புக்காகப் பிச்சை எடுப்பதாகக் கூறிவந்த இவர், இறக்கும் வரை எளிய வாழ்க்கையையே வாழ்ந்து வந்தார்.

அவரது மறைவுக்குப் பிறகு, இறுதிச் சடங்குகளை முடித்துவிட்டு ஊர்மக்கள் அவரது வீட்டிற்குச் சென்று பார்த்தபோது பெரும் அதிர்ச்சி காத்திருந்தது. வீட்டின் மூலைகளில் சாக்குமூட்டைகளில் ரொக்கப் பணமும் நாணயங்களும் குவிக்கப்பட்டிருந்தன. அவற்றை எண்ணிப் பார்த்தபோது சுமார் 30 முதல் 40 லட்சம் ரூபாய் வரை பணம் இருந்தது தெரியவந்தது.

இந்தத் தொகையை அவர் பிச்சை எடுத்துச் சேர்த்த பள்ளிவாசலுக்கு நன்கொடையாக வழங்கச் சிலர் யோசனை தெரிவித்தனர். ஆனால், பிச்சை எடுத்துச் சேர்த்த பணத்தை ஏற்க முடியாது எனக் கூறி பள்ளிவாசல் நிர்வாகம் அதனைப் பெற மறுத்துவிட்டது. இறுதியில், மூதாட்டியின் சகோதரர் தனது குடும்பத்தினருடன் வந்து அந்தப் பண முழுவதையும் எடுத்துச் சென்றார்.