CINEMA
இனி இவருக்கு பதில் இவர்…. ‘மோதலும் காதலும்’ சீரியலில் அதிரடியாக மாற்றம் செய்யப்பட்ட முக்கிய நடிகை…
விஜய் தொலைக்காட்சியில் தற்பொழுது சூப்பர் ஹிட் ஆக பல்வேறு சீரியல்கள் ஒளிபரப்பாகி வருகிறது. இதில் புதிதாக தொடங்கப்பட்ட பல சீரியல்கள் ரசிகர்கள் மத்தியில் நல்ல வரவேற்பு பெற்று உள்ளது. அதில் குறிப்பாக சிறகடிக்க ஆசை, மோதலும் காதலும் போன்ற தொடர்களை கூறலாம். கடந்த வருடம் ஏப்ரல் மாதம் தொடங்கப்பட்ட இந்த சீரியல் தற்போது 200 எபிசோடுகளுக்கும் மேல் ஒளிபரப்பாகியுள்ளது.
இயக்குனர் சுரேஷ் சண்முகம் இயக்கி வரும் இந்த சீரியலில் அஸ்வதி மற்றும் சமீர் இருவரும் முக்கியமான கதாபாத்திரத்தில் நடித்து வருகின்றனர். இவர்கள் வேதா மற்றும் விக்ரம் என ஏற்று நடித்து வரும் அந்த கதாபாத்திரங்களாகவே இந்த சீரியலில் வாழ்ந்த வருகின்றனர். இவர்களுக்கு என்று தற்பொழுது சமூக வலைத்தளத்தில் தனியாக ரசிகர்கள் பட்டாளமே உருவாகியுள்ளது. இவர்களின் கெமிஸ்ட்ரி அந்த அளவிற்கு ரசிகர்களை கவர்ந்துள்ளது .
இந்த சீரியல் ஹிந்தி தொடர் ஒன்றின் ரீமேக் என்பதும் குறிப்பிடத்தக்கது. தற்போது இந்த சீரியலில் வேதாவுக்கு, ‘குழந்தை பெரும் பாக்கியம் இல்லை என்று ஏற்கனவே கூறப்பட்டிருந்த நிலையில், தற்போது விக்ரம் வேதா இருவரும் ஆசிரமத்தில் இருந்து சிகிச்சை பெற்று வந்து மீண்டும் மருத்துவமனையில் பரிசோதித்த பொழுது, வேதாவின் குறைகள் அனைத்து அனைத்தும் நீங்கி விட்டதாகவும், கர்ப்பப்பையில் இருந்த கட்டிகள் இருந்த இடம் தெரியாமல் போய்விட்டதாகவும் ,வேதா இனி மேல் குழந்தை பெற்றுக் கொள்ளலாம் என டாக்டர் கூறிய அவர்களை சந்தோஷப்படுத்தி உள்ளார்.
View this post on Instagram
எலியும் பூனையுமாக இருந்த இவர்களுக்குள் தற்பொழுது மெல்ல மெல்ல காதல் தொடங்கியுள்ளது. இந்நிலையில் இந்த சீரியல் இருந்து தற்போது முக்கிய நடிகை ஒருவர் விலகி உள்ளார். அவருக்கு பதிலாக வேறொரு நடிகை மாற்றம் செய்யப்பட்டுள்ளார். அதாவது நந்தினி கதாபாத்திரத்தில் நடித்து வரும் நடிகை ஸ்ரீதேவி இரண்டாவது முறை கர்ப்பமாக இருப்பது நமக்கு தெரிந்தது தான். தற்பொழுது இவர் தனது 2வது பிரசவத்தை முன்னிட்டு சீரியலை விட்டு விலக, அவருக்கு பதிலாக நடிகை கார்த்திகா நந்தினி ஆக களமிறங்கியுள்ளாராம். இனி அவரது எபிசோடுகள் ஒளிபரப்பாகும் என்று கூறப்படுகிறது.
