விஜய் டிவியில் ஒளிபரப்பாகி வரும் பிரபலமான ‘பாக்கியலட்சுமி’ சீரியலில் அமிர்தா என்ற கதாபாத்திரத்தில் நடித்து ரசிகர்கள் மத்தியில் பிரபலமானவர் தான் நடிகை ரித்திகா தமிழ்செல்வி. இந்த நிகழ்ச்சியின் மூலம் இவருக்கென்று தனி ரசிகர் பட்டாளமே உள்ளது. இவர் சீரியல் மற்றும் ரியாலிட்டி ஷோக்களிலும் கூட பங்கு பெற்று வருகிறார்.
மேலும் இவர் ‘குக் வித் கோமாளி’ நிகழ்ச்சியின் மூலமும் மிகப் பிரபலமடைந்தார். இதைத்தொடர்ந்து அவர் விஜய் டிவியில் கிரியேட்டிவ் டைரக்டராக இருக்கும் வினு என்பவரை கேரளாவில் திருமணம் செய்து கொண்டார்.ஆனால் அவர் திருமணத்திற்கு பிறகு சில எபிசோட் நடித்துவிட்டு வெளியேறிவிட்டார்.
அவருக்கு பதில் இப்போது அக்ஷிதா என்ற நடிகை நடித்து வருகிறார். சோசியல் மீடியாவில் எப்பொழுதும் ஆக்டிவாக இருக்க கூடியவர் நடிகை ரித்திகா. இவர் அவ்வப்பொழுது தனது கணவருடன் இருக்கும் புகைப்படங்களை இணையத்தில் பதிவு செய்து வருகிறார்.
காதலர் தினமான இன்று அவர் தனது கணவருடன் தாஜ் மஹாலில் காதலர் தினத்தை கொண்டாடியுள்ளார். அப்பொழுது தனது கணவருடன் எடுத்துக் கொண்ட புகைப்படங்களை இணையத்தில் பகிர அந்த புகைப்படங்கள் படுவைரலாகி வருகிறது.
