திமுகவிலிருந்து செந்தில் பாலாஜி விலகுகிறாரா என்ற கேள்வி எழுப்பப்பட்டு, இதனால் மு.க.ஸ்டாலின் அதிர்ச்சியடைந்துள்ளதாக ஒரு செய்தித் தொகுப்பு இடம் பெற்றுள்ளது. கொங்கு மண்டலத்தில் தனக்கு எதிராக எஸ்பி வேலுமணி மீண்டும் போர்க்கொடி தூக்கலாம் என்று இபிஎஸ் அஞ்சுவதாகவும், அதற்கு இணையாக கொங்கு பகுதியில் வலுவான அரசியல் முகமாக இருக்கும் செந்தில் பாலாஜியை மீண்டும் அதிமுகவுக்கு கொண்டு வர அவர் காய் நகர்த்தி வருவதாகவும் அந்தச் செய்தி குறிப்பிடுகிறது.
மேலும் இந்தச் செய்தியின்படி, செந்தில் பாலாஜியை மீண்டும் கட்சிக்குள் இழுப்பதற்காக, அவர் மீதான வழக்குகளை டெல்லியில் பேசி முடித்து தருவதோடு, கொங்கு மண்டலத்தில் அவருக்கு ஒரு முக்கிய பதவியை வழங்கவும் இபிஎஸ் உத்தரவாதம் அளித்துள்ளதாகக் கூறப்படுகிறது.