டாஸ்மாக் முறைகேடு வழக்கு தொடர்பாக, லஞ்ச ஒழிப்புத் துறை அதிகாரிகள் நள்ளிரவு வரை தமிழகம் முழுவதும் 45-க்கும் மேற்பட்ட இடங்களில் அதிரடிச் சோதனை மேற்கொண்டனர். இந்தச் சோதனையானது முன்னாள் அமைச்சர் செந்தில் பாலாஜி, எம்.பி TR பாலு மற்றும் முன்னாள் டாஸ்மாக் அதிகாரிகளுக்குச் சொந்தமான இடங்களில் நடைபெற்றது.
இதில் குறிப்பாக கரூரில் உள்ள செந்தில் பாலாஜிக்குத் தொடர்புடைய இடங்களிலிருந்து முக்கிய டிஜிட்டல் ஆவணங்கள் பறிமுதல் செய்யப்பட்டுள்ளதோடு, ஒரு இடத்திற்கு அதிகாரிகளால் சீல் வைக்கப்பட்டுள்ளது. இந்தச் சோதனையின் தொடர்ச்சியாக, இவ்வழக்கில் செந்தில் பாலாஜி விரைவில் கைது செய்யப்பட வாய்ப்புள்ளதாகக் கூறப்படுகிறது.