தமிழகத்தில் இன்னும் சில மாதங்களில் 2026 சட்டமன்றத் தேர்தல் நடைபெற உள்ள நிலையில் தமிழகத்தின் பிரதான எதிர்க்கட்சியான அதிமுகவில் மீண்டும் உட்க்கட்சி விவகாரம் என்பது பெரிய பூதகரமாக வெடித்துள்ளது. சமீபத்தில் அதிமுகவில் இருந்து பிரிந்து சென்றவர்களை ஒருங்கிணைக்க வேண்டும் என போர்க்கொடி தூக்கிய செங்கோட்டையன் மொத்தமாக கட்சியிலிருந்து தூக்கி வீசப்பட்டார். இதனால் விஜயின் தமிழக வெற்றி கழகம் கட்சியில் செங்கோட்டையன் ஐக்கியமானார். கட்சியில் இணைந்த கையோடு தற்போது முக்கிய நிர்வாகிகளை விஜய் கட்சியில் இணைக்கும் பணியில் வேகத்துடன் செங்கோட்டையன் செயல்பட்டு வருகின்றார்.
இந்நிலையில் செங்கோட்டையன் சொந்த அண்ணன் மகனும் ஈரோடு வடக்கு மாவட்ட சுற்றுச்சூழல் அணி அமைப்பாளருமான கே கே செல்வம் திமுகவில் இருந்து நீக்கம் செய்யப்பட்டுள்ளார். இதனைத் தொடர்ந்து அவர் மீண்டும் தாய் கழகமான அதிமுகவில் இணைகிறேன் என்று அறிவித்துள்ளார். கோபி சட்டமன்ற தொகுதியில் செங்கோட்டையனுக்கு பதில் கே.கே.செல்வம் களமிறக்கப்படலாம் என்று எதிர்பார்க்கப்படுகிறது.