மு க முத்து மறைவை முன்னிட்டு முதல்வர் ஸ்டாலினை சீமான் நேற்று அவரது இல்லத்தில் சந்தித்த பிறகு செய்தியாளர்களுக்கு பேட்டியளித்தார். அப்போது, நான் பசியால் மயக்கமடைந்த போது எனது உடல் நலம் குறித்து விசாரித்தவர் முதல்வர் ஸ்டாலின். எப்படி இருந்தாலும் ஒரு இழப்பு என்பது பெரும் துயரம். கொள்கை என்பது வேறு பாசம் என்பது வேறு. பெருந்தலைவர் காமராஜர் இறந்தபோது அதிகமாக அழுதவர் அறிஞர் அண்ணா என்று சொல்வார்கள். அமெரிக்காவுக்கு அண்ணா செல்லும்போது நிக்சனை சந்திக்க விரும்புகிறார்கள். ஆனால் அவர் சந்திக்கவில்லை.
பிறகு nikson இந்தியா வரும்போது காமராஜரை சந்திக்க விரும்புகிறார். அப்போது அண்ணாதுரையை சந்திக்க விரும்பாத நிக்சனை நான் ஏன் சந்திக்க வேண்டும் என்று காமராஜர் தெரிவித்ததாக சீமான் அந்த பேட்டியில் தெரிவித்தார். இந்நிலையில் சீமான் பேச்சு சர்ச்சையை கிளப்பியுள்ளது. அதாவது காமராசர் 1975 ஆம் ஆண்டில் தான் உயிரிழந்தார். ஆனால் அண்ணா 1969 ஆம் ஆண்டிலேயே உயிரிழந்து விட்டார். 1969 ஆம் ஆண்டில் உயிரிழந்த அண்ணா 1975 ஆம் ஆண்டில் மறைந்த காமராசருக்காக எப்படி அழுது இருக்க முடியும் என நெட்டிசன்கள் தற்போது கலாய்த்து வருகிறார்கள்.