மாதவன் கெட்டிக்கார நடிகன்… ஆனா அந்த ஓரு விஷயம் அவனுக்கு வராது… ஓப்பனாக சொன்ன சீமான்!

தமிழ் சினிமாவில்  அலைபாயுதே படம் மூலமாக மணிரத்னத்தால் அறிமுகப்படுத்தப்பட்டவர் மாதவன். அந்த படம் ஹிட்டாக தமிழ் சினிமாவின் சாக்லேட் பாய் கதாநாயகர்களில் ஒருவரானார். தொடர்ந்து பல ஹிட் படங்களைக் கொடுத்து தற்போது முன்னணி நடிகராக வலம் வருகிறார்.

அலைபாயுதே ஹிட்டானதும் விஜய், அஜித் போன்ற அப்போதைய இளம் ஹீரோக்கள் ஏழெட்டு ஆண்டுகள் போராடி பெற்ற புகழை மாதவன் ஒரே படத்தில் பெற்றார். அதையடுத்து அவர் நடித்த மின்னலே, ரன், தம்பி மற்றும் இறுதி சுற்று உள்ளிட்ட திரைப்படங்கள் மிகப்பெரிய வெற்றி பெற்றன.

ஆனால் இடையில் அவரின் சில திரைப்படங்கள் தோல்வி அடைந்ததால் அவரால் தற்போது மார்க்கெட் உள்ள நடிகராக நிலைக்க முடியவில்லை. ஆனாலும் இன்றளவும் அவர் கதாநாயகனாக தமிழ் மற்றும் இந்தி உள்ளிட்ட மொழிப் படங்களில் நடித்து வருகிறார்.

இந்நிலையில் மாதவனை தம்பி படத்தின் மூலம் ஆக்‌ஷன் ஹீரோவாக மாற்றிய சீமான் அவரின் நடிப்பைப் பற்றி பேசியுள்ளார். அதில் “தம்பி படத்தில் நான் கண்ணே இமைக்காமல் நடிக்க வேண்டும் என்றேன். அதை அப்படியே செய்தான் என் தம்பி மாதவன். அப்படி ஒரு கெட்டிக்காரத்தனமான நடிகன். ஆனால் நடனம் ஆடவேண்டும் என்று சொன்னால் மட்டும் அவர் கோபமாகிவிடுவான்.

எல்லோரும்தான் அதை சொல்கிறார்கள் என்றால் நீங்களுமா அண்ணா? என்பான். வேறு வழியில்லை ஆடிதான் ஆகவேண்டும் என்று சொன்னால் வேண்டா வெறுப்பாக ஆடுவான். நடனம் என்றால் மட்டும் அவனுக்கு நஞ்சாகிவிடும். தம்பி படத்துக்குப் பிறகு நாங்கள் இருவரும் இணைந்து பகலவன் படத்தைதான் பண்ணிருக்க வேண்டும். ஆனால் அந்த கதையை கேட்டு அவன் பயந்துவிட்டான். அந்த படம் வந்திருந்தால் என் பாதை வேறு மாதிரி ஆகிருக்கும்” எனக் கூறியுள்ளார்.