பெருகேட் காவல் நிலைய எல்லைக்குட்பட்ட பகுதியில் கடத்தப்பட்ட 28 வயதான பிரசாத் சூரியவன்ஷி என்ற இளைஞரை, 112 அவசர உதவி எண்ணிற்கு அழைப்பு வந்த 53 நிமிடங்களில் காவல்துறையினர் வெற்றிகரமாக மீட்டுள்ளனர். நள்ளிரவு 12:30 மணியளவில் கருப்பு நிற ஸ்கார்பியோ காரில் அந்த இளைஞர் கடத்தப்பட்டதாக காவல்துறைக்குத் தகவல் கிடைத்தது.
தகவல் கிடைத்தவுடனே விழித்துக்கொண்ட காவல்துறையினர், நகரம் முழுவதும் தீவிர வாகனச் சோதனையிட்டு காரைக் கண்காணிக்கும் பணியில் ஈடுபட்டனர். தொடர்ந்து விரைந்து செயல்பட்ட அவர்கள், அதிகாலை 1:23 மணியளவில் சின்ஹாகாட் சாலையில் காரை மறித்து, கடத்தப்பட்ட சூரியவன்ஷியைப் பத்திரமாக மீட்டனர்.
https://twitter.com/nextminutenews7/status/2097994525872677157/video/1
இச்சம்பவம் தொடர்பாக இருவர் கைது செய்யப்பட்டுள்ளனர். வால்சந்த்நகரைச் சேர்ந்த விடுதி தொழிலதிபர் சாகர் ரமேஷ் போராடே மற்றும் சோலாப்பூர் மாவட்டம் மலஷிராஸ் தாலுகாவில் உள்ள தாசர் பகுதியைச் சேர்ந்த கிஷோர் பாலாசாகேப் சாவந்த் ஆகியோரே கைது செய்யப்பட்ட குற்றவாளிகளாவர்.